ଭୁବନେଶ୍ୱର: ପୋଲିସ କମିଶନର ଡକ୍ଟର ସୁଧାଂଶୁ ଷଡ଼ଙ୍ଗୀଙ୍କୁ ରାଜ୍ୟପାଳ ପ୍ରଫେସର ଗଣେଶୀଲାଲ୍ ପ୍ରଶଂସା କରିଛନ୍ତି । ବହୁଚର୍ଚ୍ଚିତ ୧୯୯୯ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲାର ମୁଖ୍ୟ ଅଭିଯୁକ୍ତ ବିବନ ଓରଫ ଜଳନ୍ଧରକୁ ମାମଲାର ୨୨ ବର୍ଷ ପରେ ପୋଲିସ କମିଶନରଙ୍କ ନେତୃତ୍ୱରେ ଗିରଫ କରିଥିଲା କମିଶନରେଟ୍ ପୋଲିସ । ଏହି କାର୍ଯ୍ୟ ପାଇଁ କମିଶନରେଟ୍ ପୋଲିସ ସହ ସିପିଙ୍କୁ ରାଜ୍ୟପାଳ ପ୍ରଂଶାସ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ।
Hon'ble Governor has congratulated Commissioner of Police @SarangiSudhansu & the team of @cpbbsrctc for successfully arresting the prime accused in a heinous crime of the year 1999 after 22 years. pic.twitter.com/1xcsAb2fTS
— Governor Odisha (@GovernorOdisha) February 25, 2021
୨୨ ବର୍ଷ ପରେ ଚର୍ଚ୍ଚିତ ଅଭିଯୁକ୍ତକୁ ଖୋଜି ଖୋଜି ବାହାର କରିବା ଉଦ୍ୟମ ପ୍ରଶଂସନୀୟ । ଏହା ରାଜ୍ୟ ପୋଲିସର କାର୍ଯ୍ୟନିଷ୍ଠା, କର୍ତ୍ତବ୍ୟନିଷ୍ଠା ପ୍ରତିପାଦନ କରୁଛି । କମିଶନରେଟ୍ ପୋଲିସର ଏଭଳି କାର୍ଯ୍ୟ ଅନ୍ୟମାନଙ୍କୁ ପ୍ରେରଣା ଯୋଗାଇବ ବୋଲି ରାଜ୍ୟପାଳ ପ୍ରଫେସର ଗଣେଶୀଲାଲ୍ କହିଛନ୍ତି ।
ଭୁବନେଶ୍ୱର-କଟକ ପୋଲିସ କମିଶନରରଙ୍କ ସହ ଅନ୍ୟ ଅଧିକାରୀଙ୍କୁ ରାଜ୍ୟପାଳ ଶୁଭେଚ୍ଛା ଜଣାଇଛନ୍ତି । ମହିଳା ଅପରାଧ ବିରୋଧରେ ଓ ପୀଡ଼ିତ ମହିଳାଙ୍କୁ ନ୍ୟାୟ ଦେବା ଲାଗି ଗୁପ୍ତଚାର କାର୍ଯ୍ୟ କରୁଥିବା ପୋଲିସ ଅଧିକାରୀଙ୍କୁ ପ୍ରୋତ୍ସାହିତ କରିବାକୁ ରାଜ୍ୟପାଳ ମୁଖ୍ୟମନ୍ତ୍ରୀଙ୍କୁ ପରାମର୍ଶ ଦେଇଛନ୍ତି ।