ଜଗସିଂହପୁର: ପ୍ରେମଜନିତ ଘଟଣାକୁ କେନ୍ଦ୍ର କରି ଜେଜେ ମାଆକୁ ହତ୍ୟା କଲା ନାତି । ଏମିତି କିଛି ଅଭାବନୀୟ ଘଟଣା ଦେଖିବାକୁ ମିଳିଛି ଜଗସିଂହପୁର ଜିଲ୍ଲା ବାଲିକୁଦା ଥାନା ଗଦେଇଗିରି ଗାଁରେ । ମୃତକ ସଖିଲତା ସାହୁ ବୋଲି ଜଣାପଡିଛି । ଘଟଣାରେ ଜଣଙ୍କର ମୃତ୍ୟୁ ଘଟିଥିବାବେଳେ ୪ ଜଣ ଆହତ ହୋଇଥିବାବେଳେ ଦୁଇ ଜଣ ଗୁରୁତର ହୋଇଛନ୍ତି । ସମସ୍ତ ଆହତ ଓ ଗୁରୁତରଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
ତେବେ ସୂଚନା ଅନୁଯାୟୀ ଗଦେଇଗିରି ଗାଁର ସମୀର ସାହୁ ୫ମାସ ତଳେ ଏକ ଅନୁସୂଚିତ ଜାତିର ଯୁବତୀକୁ ପ୍ରେମ କରି ଘରୁ ଉଠାଇ ଆଣିଥିଲା । ଯାହାକୁ ନେଇ ସମୀରକୁ ମାଡ ମାରି ଘରୁ ବାହାର କରିଦିଆଯାଇଥିଲା । କିଛି ଦିନ ତଳେ ଏହି ଘଟଣାରେ ବାଲିକୁଦା ପୋଲିସ ସମୀରକୁ ଗିରଫ କରି କୋର୍ଟ ଚାଲାଣ କରିଥିଲା । ହେଲେ ପରବର୍ତ୍ତି ସମୟରେ ସମୀର କୌଶଳକ୍ରମେ ଜେଲରୁ ଫେରାର ହୋଇଯାଇଥିଲା ।
ସେହିଦିନଠାରୁ ସମୀର କେଉଁଠି ଲୁଚି ରହିଥିଲା । ଆଜି ସକାଳୁ ଘରକୁ ଆସି ଏକ ଭୁଜାଲିରେ ତାର ଜେଜେ ମାଆକୁ ହତ୍ୟା କରିଛି । ଅନ୍ୟମାନେ ଏସବୁ ଦେଖି ବିରୋଧ କରିବାରୁ ସେମାନଙ୍କୁ ଭୁଜାଲିରେ ଆକ୍ରମଣ କରିଥିବା ସୂଚନା ମିଳିଛି । ତେବେ ଘଟଣା ଘଟାଇ ଅଭିଯୁକ୍ତ ସମୀର ଫେରାର ହୋଇଯାଇଥିବାବେଳେ ପୋଲିସକୁ ବର୍ତ୍ତମାନ ସମୀରକୁ କାବୁ କରି ଅଧିକ ପଚରାଉଚରା କରୁଛି ।
Comments are closed.