ବର୍ମିଂହାମ: ବର୍ମିଂହାମ ରାଜ୍ୟଗୋଷ୍ଠୀ କ୍ରୀଡାରେ ୱେଟଲିଫ୍ଟିଂରେ ଭାରତକୁ ଆଉ ଏକ ପଦକ ମିଳିଛି । ୬୧ କେଜି ବିଭାଗରେ ଗୁରୁରାଜା ପୂଜାରୀ ବ୍ରୋଞ୍ଜ ପଦକ ଜିତିଛନ୍ତି । ପୂର୍ବରୁ ୫୫ କେଜିରେ ସଙ୍କେତ ସରଗର ରୌପ୍ୟ ପଦକ ହାସଲ କରିଥିଲେ । କର୍ଣ୍ଣାଟକର ଗୁରୁରାଜା ସ୍ନାଚରେ ୧୧୮ ଓ କ୍ଲି ଆଣ୍ଡ ଜର୍କରେ ୧୫୧ କେଜି ଭାର ଉଠାଇଥିଲେ । ସେ ଓଭରାଲ ୨୬୯ କେଜିର ଭାର ଉଠାଇଥିଲେ । ଏହି ବର୍ଗରେ ମାଲେସିଆର ମହମ୍ମଦ ଅଜନିଲ ବିଡିନ (୨୮୫ କେଜି) ସ୍ୱର୍ଣ୍ଣ ଏବଂ ପିଏନଜିର ମୋରେଆ ବାରୁ (୨୭୩ କେଜି) ରୌପ୍ୟ ପଦକ ହାସଲ କରିଥିଲେ । ୨୦୧୮ ଗୋଲ୍ଡକୋଷ୍ଟରେ ବି ଗୁରୁରାଜା ଭାରତ ପାଇଁ ପଦକ ଜିତିଥିଲେ । ଗୋଟିଏ ଦିନରେ ୨ଜଣ ୱେଟଲିଫ୍ଟର ଭାରତ ପାଇଁ ପଦକ ଜିତିଥିବାରୁ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିବାରେ ଲାଗିଛି । ସୂଚନାଯୋଗ୍ୟ, ଗୁରୁରାଜାଙ୍କ ବାପା ଟ୍ରକ ଡ୍ରାଇଭର ଥିବା ବେଳେ ସଙ୍କେତଙ୍କ ବାପା ପାନ ଓ ସ୍ନାକ୍ସ ଦୋକାନ କରି ଘର ଚଳାଇଥାନ୍ତି । ଆର୍ଥୀକ ଅସୁବିଧା ସତ୍ୱେ ସେମାନେ ତାଙ୍କ ପୁଅମାନଙ୍କ ପାଇଁ ଯେଉଁ ନିଷ୍ଠାପର ତ୍ୟାଗର ପ୍ରଦର୍ଶନ କରିଛନ୍ତି ସେଥିଯୋଗୁ ଆଜି ଦେଶ ଗର୍ବିତ ହୋଇପାରିଛି ।
Comments are closed.