ମୁମ୍ବାଇ : ଭାରତୀୟ କ୍ରିକେଟ ଟିମ୍ କ୍ୟାପଟେନ ବିରାଟ କୋହଲିଙ୍କ ଆଜି ଜନ୍ମଦିନ । ୩୩ ବର୍ଷ ବୟସରେ ପାଦ ଥାପିଛନ୍ତି କ୍ୟାପଟେନ କୋହଲି । ୧୯୮୮ ମସିହା ୫ ନଭେମ୍ବରରେ ଦିଲ୍ଲୀରେ ଜନ୍ମ ହୋଇଥିଲେ ବିରାଟ କୋହଲି। ଭାରତର ଜଣେ ବେଷ୍ଟ କ୍ରିକେଟର ଭାବେ ସାରା ଦେଶବାସୀଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ବଜାୟ ରଖିଛନ୍ତି କୋହଲି। କୋହଲିଙ୍କ ନାଁ ରେ ଅନେକ ରେକର୍ଡ ରହିଛି ଭାରତୀୟ ଟିମର। ସବୁଠାରୁ ସଫଳ କ୍ୟାପଟେନ ହୋଇପାରିଛନ୍ତି କୋହଲି।
ଖେଳରେ ଭଲ ପ୍ରଦର୍ଶନ ସାଙ୍ଗକୁ ଚାର୍ମିଂ ଲୁକ୍ ପାଇଁ କୋହଲିଙ୍କ ସାରା ଦେଶରେ ବେଶ୍ ଲୋକ ପ୍ରିୟତା ରହିଛି। ଆଜି କ୍ୟାପଟେନ କୋହଲିଙ୍କ ଜନ୍ମଦିନରେ ତାଙ୍କ ପାଖକୁ ବିଭିନ୍ନ ମହଲରୁ ଶୁଭେଚ୍ଛା ଓ ଶୁଭକାମନାର ସୁଅ ଛୁଟିଛି। କୋହଲି ଏବେ ୨୦୨୧ ଟି ଟ୍ୱିଣ୍ଟି ମ୍ୟାଚ ପାଇଁ ୟୁଏଇରେ ଅଛନ୍ତି।
ସେ ସେଠାରେ ଟିମ୍ ଇଣ୍ଡିଆର ଅଧିନାୟକ ଦାୟିତ୍ୱ ତୁଲାଉଛନ୍ତି। ଏଥର ବର୍ଥ ଡେ ବିରାଟ ୟୁଏଇରେ ସେଲିବ୍ରେସନ କରିବେ ବୋଲି ଜଣାପଡ଼ିଛି। ଭାରତୀୟ ଟିମ୍ ଆଜି ସ୍କଟଲ୍ୟାଣ୍ଡକୁ ଭେଟିବ। ଏନେଇ କୋହଲି ଭଲ ପ୍ରଦର୍ଶନ କରି ଜନ୍ମ ଦିନକୁ ସ୍ପେଶାଲ ଅନ୍ଦାଜରେ ସେଲିବ୍ରେସନ କରିବେ ବୋଲି ଫ୍ୟାନ୍ ମାନେ ଆଶା ରଖିଛନ୍ତି।
Comments are closed.