ନୂଆପଡା: କମିଛି ବର୍ଷା ହେଲେ କମିନି ଲୋକଙ୍କ ଦୁର୍ଦ୍ଦଶା । ଲଗାଣ ବର୍ଷା ନୂଆପଡା ଜିଲ୍ଲବାସୀଙ୍କ ପାଇଁ ଦୁଃଖ ଆଣିଦେଇଛି । କେଉଁଠି ଘର ଅଧାରୁ ଭାଙ୍ଗିଯାଇଛି ତ କେଉଁଠି ଘରେ ପଶିଛି ପାଣି । ନିଜ ଘର ଦ୍ୱାର ଛାଡି ଲୋକ ଅନ୍ୟଘରେ ଆଶ୍ରୟ ନେଇଛନ୍ତି । ଭୀଷଣ ବର୍ଷାରେ ଚାଳଛପର କଥା ଛାଡନ୍ତୁ ଆଜବେଷ୍ଟସ୍ ଘରର ଅବସ୍ଥା ଦେଖନ୍ତୁ ମୁଣ୍ଡ ଉପରେ ଦିନରେ ଖରା ରାତିରେ ତରା ଦିଶୁଛି । ବର୍ଷାରେ କେମିତି କଟିଥିବ ଏ ପରିବାରର ଦିନ ଏଥିରୁ ସ୍ପଷ୍ଟ ଅନୁମାନ କରିହେଉଛି । ଏ ଦୃଶ୍ୟ ଖଡିଆଳ ବ୍ଲକ୍ ସାନମହେଶ୍ୱର ପଂଚାୟତ କୁଳିଗାଁର । ସୁମିତ୍ରା ରାଉତଙ୍କ ପରିବାର କହିଲେ ମାନସିକ ଅନଗ୍ରସର ସ୍ୱାମୀ ଦୁଇ ପୁଅ ଝିଅ । ୪ ପ୍ରାଣୀ କୁଟୁମ୍ବ ଏବେ ଘର ଭିତରେ ନୁହେଁ ବାରଣ୍ଡାରେ ରହୁଛନ୍ତି । ଘର ତ ଅଛି ହେଲେ ବିପଦ ପାଟଲିଯାଇଛି । ସୁମିତ୍ରାଙ୍କ ରୋଜଗାରରେ ଘର ଚଳେ । ଏବେ କିନ୍ତୁ ଦୁଇ ଓଳି ଦୁଇ ମୁଠା ଖାଇବା ବି ଅସମ୍ଭବ । ସପ୍ତାହେ ହେଲାଣି ଏପରି ଜୀବନ କାଟୁଥିବା ପରିବାରକୁ ସରକାରୀ ସହାୟତା ପାଇଁ ଦାବି ହୋଇଛି । ଖବର ପାଇ ଖଡିଆଳ ବ୍ଲକ୍ ଉପାଧ୍ୟକ୍ଷ ଗୌତମ ତାଣ୍ଡି ସୁମିତ୍ରାଙ୍କ ଘରେ ପହଞ୍ଚିଛନ୍ତି । ସୁମିତ୍ରାଙ୍କ ପରିବାର ଓ ଘରର ସ୍ଥିତି ପରଖିବା ପରେ ନିଜସ୍ୱ ଉଦ୍ୟମରେ ତାଙ୍କୁ ଖାଇବା ପାଇଁ ରାସନ ଦେଇଛନ୍ତି । ଆଗକୁ ପରିବାରକୁ ଅନ୍ତୋଦୟ ୟୋଜନାରେ ସାମିଲ କରିବାକୁ ବିଡିଓଙ୍କୁ ଜଣାଇଛନ୍ତି । ସରକାରୀ ସ୍ତରରେ ଆବାସ ମିଳିବା ବିଳମ୍ବ ହେଲେ ନିଜସ୍ୱ ଖର୍ଚ୍ଚରେ ପରିବାରକୁ ସହାୟତା କରିବେ ବୋଲି ପ୍ରତିଶ୍ରୁତି ମଧ୍ୟ ଦେଇଛନ୍ତି ।ଏ ଅସହାୟ ପରିବାରକୁ କେବେ ମିଳୁଛି ମୁଣ୍ଡ ଗୁଞ୍ଜିବାକୁ ଘର ତାକୁ ଅପେକ୍ଷା ।
