ହକି ଇଣ୍ଡିଆ ଲିଗ୍: ଡ୍ରାଗନ୍ସ ବିପକ୍ଷରେ ବିଜୟୀ ହୋଇ ପଏଣ୍ଟ ଖାତା ଖୋଲିବା ଲକ୍ଷ୍ୟରେ କଳିଙ୍ଗ

ରାଉରକେଲା: ହକି ଇଣ୍ଡିଆ ଲିଗରେ ଆଜି ନିଜର ୨ୟ ମ୍ୟାଚ ଖେଳିବାକୁ ଯାଉଛି ଘରୋଇଦଳ କଳିଙ୍ଗ ଲାନସର୍ସ । ତାମିଲନାଡୁ ଡ୍ରାଗନ୍ସକୁ ଘରୋଇ ଗ୍ରାଉଣ୍ଡ ବିର୍ସା ମୁଣ୍ଡା ହକି ଷ୍ଟାଡିୟମରେ ଭେଟିବ ।
ଲିଗ୍ ର ପ୍ରଥମ ମ୍ୟାଚରେ ୟୁପି ରୁଦ୍ରସ ଠାରୁ ପରାଜୟ ପରେ କଳିଙ୍ଗ ଆଜି ନିଜର ପ୍ରଥମ ବିଜୟ ଆଶାରେ ଖେଳିବ । ଆଜିର ମ୍ୟାଚ ଅଧିକ ଦମଦାର୍ ହେବାକୁ ଯାଉଛି କାରଣ ଗୋଟିଏ ପଟେ ଘରୋଇ ଦଳ ଥିବା ବେଳେ ବିପକ୍ଷ ଦଳରେ ଓଡିଆ ପୁଅ ଅମିତ ରୋହିଦାସ ଖେଳିବେ । ଆଜି ଦର୍ଶକ ମ୍ୟାଚକୁ ବେଶ୍ ଉପଭୋଗ କରିବେ ।

ଆଜି ଡ୍ରାଗନ୍ସ ବିପକ୍ଷରେ ବିଜୟୀ ହୋଇ ପଏଣ୍ଟ ଖାତା ଖୋଲିବା ଲକ୍ଷ୍ୟରେ ବେଦାନ୍ତ କଳିଙ୍ଗ ଲାନସର୍ସ । ଉଭୟ ଦଳ ନିଜର ପ୍ରଥମ ମ୍ୟାଚରେ ପରଜାୟର ସ୍ବାଦ ଚାଖିଛନ୍ତି । ଉଭୟ ଦଳ ପ୍ରଥମ ବିଜୟ ଆଶାରେ ନିଜର ଦମ୍ ଲଗାଇଦେବେ । ସନ୍ଧ୍ୟା ୮.୧୫ରେ  ଖେଳ ଆରମ୍ଭ ହେବ । ଡିଡି ସ୍ପୋର୍ଟସ୍, ଓ୍ବେଭସ୍, ସୋନି TEN 1, ସୋନି TEN 3, ସୋନି TEN 4 ଏବଂ ସୋନି LIVରେ ସିଧାପ୍ରସାରଣ ଦେଖିପାରିବେ ।

ଘରୋଇଟିମ୍ ବେଦାନ୍ତ କଳିଙ୍ଗ ଲାନସର୍ସ ଟିମ୍ ର ନେତୃତ୍ବ ନେଇଛନ୍ତି ଆରନ ଜେଲେସ୍କି । ଭାରତୀୟ ଦଳର ଗୋଲକିପର କ୍ରିଷ୍ଣା ବାହାଦୂର ପାଠକ କଳିଙ୍ଗ ଲାନସର୍ସର ଗୋଲରକ୍ଷକ ସାଜିବେ ।
ଗୋଞ୍ଜାଲେଜ ଏନରିକ, ହେଣ୍ଡ୍ରିକେସ୍ ଆଲେକଜାଣ୍ଡର, ଥିଏରୀ ବ୍ରିଙ୍କମ୍ୟାନ ,ରେନୋଲ୍ଡସ୍ କୋଟେରିଲ୍ ଟୋବି ,ବାନ୍ଦୁରାକ୍ ନିକୋଲାସ୍, କିନା ଆଣ୍ଟୋଏନ୍ ,ଭାନ୍ ଡୋରେନ୍ ଆର୍ଥର୍ , ଆରନ ଜେଲେସ୍କି ବିଦେଶୀ ତାରକା ରହିଛନ୍ତି । ଭାରତୀୟଙ୍କ ମଧ୍ୟରେ କେ ବି ପାଠକ, ସାହିଲ ନାୟକ, ରୋହିତ କୁଲୁ, ମନଦୀପ ମୋର, ରବିଚନ୍ଦ୍ର,ମୁକେଶ ଟପ୍ପୋ, ଗୁରୁସାହିବଜିତ୍ ସିଂ,ଦୀପକ ପ୍ରଧାନ, ଦୀଲପ୍ରୀତ ସିଂ, ରୋଶନ କୁଜୁର, ରୋଶନ ମିଞ୍ଜ, ଅଙ୍ଗଦ ବିର୍ ସିଂ, ବବି ସିଂ ଧାମି ଅଛନ୍ତି ।