ସମ୍ବଲପୁର: ଲୋକପ୍ରିୟ ଲୋକ ଗୀତ ରଙ୍ଗବତୀର ଗାୟକ ତଥା ପଦ୍ମଶ୍ରୀ ପୁରସ୍କାର ବିଜେତା ଜିତେନ୍ଦ୍ରୀୟ ହରିପାଲଙ୍କ ଝାଟିମାଟିର ଘର ପ୍ରବଳ ବର୍ଷା ଫଳରେ ଭାଙ୍ଗି ଯାଇଛି। ହରିପାଲ ତାଙ୍କ ପରିବାରର ସଦସ୍ୟମାନଙ୍କ ସହ ସମ୍ବଲପୁରର ଷ୍ଟେସନ ପଡିଆ ସ୍ଥିତ ଏକ ନୂଆଣିଆ ଚାଳ ଘରେ ରହିଆସୁଥିଲେ ।
ଗତମାସ ମୌସୁମୀ ବର୍ଷାରେ ଘରର କାନ୍ଥ ଭିଜି ଯାଇଥିଲା । ନିକଟରେ ପ୍ରବଳ ବର୍ଷା ହେତୁ ସେଥିମଧ୍ୟରୁ ଗୋଟିଏ ଭୁଶୁଡି ପଡିଛି।
“ଆଜିକାଲି ମୋ ସମେତ ଲୋକ କଳାକାରମାନେ ଅନେକ ହଇରାଣ ହେଉଛନ୍ତି। ଆମେ ସମ୍ମାନର ପଛରେ ଗୋଡ଼ାଉଛୁ ଏବଂ ସଂସ୍କୃତି ରକ୍ଷା କରିବାରେ ପାଇଁ ମଧ୍ୟ ଆମେ ଉଦ୍ୟମ କରୁଛୁ ” ବୋଲି ହରିପାଲ କହିଛନ୍ତି । ଘର ମରାମତି ନହେବା ପର୍ଯ୍ୟନ୍ତ ହରିପାଲ ତାଙ୍କ ପତ୍ନୀ, ଦୁଇ ପୁଅ, ବୋହୁ ଏବଂ ୫ ନାତୁଣୀଙ୍କ ସମେତ ତାଙ୍କ ପରିବାର ପାଇଁ ଏକ ଅସ୍ଥାୟୀ ବାସସ୍ଥାନ ପାଇବାକୁ ସରକାରଙ୍କୁ ନିବେଦନ କରିଛନ୍ତି।