ଜୁନ ମାସରେ ହେବାକୁ ଥିବା ପରୀକ୍ଷା ଲାଗି ଅନଲାଇନରେ ପ୍ରୋଜେକ୍ଟ ରିପୋର୍ଟ ପ୍ରଦାନ କରିପାରିବେ ଇନ୍ଦିରା ଗାନ୍ଧି ଜାତୀୟ ମୁକ୍ତ ବିଶ୍ୱବିଦ୍ୟାଳୟ, ଇଗନୋର ଛାତ୍ରଛାତ୍ରୀ । ଛାତ୍ରଛାତ୍ରୀ ନିଜର ଆସାଇନମେଣ୍ଟ ବା ପ୍ରୋଜେକ୍ଟ ରିପୋର୍ଟ ଭଲଭାବେ ପ୍ରସ୍ତୁତ କରି ଜୁନ ୧୫ ଭିତରେ ପ୍ରଦାନ କରିପାରିବେ । ଏଥିପାଇଁ ନିଜର ଅଫିସିଆଲ ଓ୍ୱେବସାଇଟରେ ଲିଙ୍କ୍ ପ୍ରଦାନ କରିଛି ଇଗନୋ ।
ତେବେ ପ୍ରଜେକ୍ଟ ବା ଆସାଇନମେଣ୍ଟ ରିପୋର୍ଟର ଅରିଜିନାଲ ସାର୍ଟିଫିକେଟ ଉଭୟ ଛାତ୍ରଛାତ୍ରୀ ଏବଂ ଗାଇଡଙ୍କର ଦସ୍ତଖତ ହେବା ପରେ ଯାଇ ତାକୁ ଅନଲାଇନରେ ପ୍ରଦାନ କରିବାକୁ ନିର୍ଦ୍ଦେଶ ରହିଛି । ପ୍ରପୋଜାଲ ପ୍ରୋଫର୍ମା ମଧ୍ୟ ଉପଯୁକ୍ତଭାବେ ସୁପରଭାଇଜର ବା ଗାଇଡଙ୍କର ସ୍ୱୀକୃତି ପାଇଥିବା ଦରକାର । ଗାଇଡ ବା ସୁପରଭାଇଜରଙ୍କଠାରୁ ଏହି ସ୍ୱୀକୃତି ଇ ମେଲ୍ ମାଧ୍ୟମରେ ମଧ୍ୟ ପାଇପାରିବେ ଛାତ୍ରଛାତ୍ରୀ ।
ଦେଶରେ ଜାରି ରହିଥିବା କରୋନା ମହାମାରୀ ଜନିତ ଲକଡାଉନ ଲାଗି ଇଗନୋର ବିଭିନ୍ନ ଆଞ୍ଚଳିକ କେନ୍ଦ୍ର ଏବଂ ଏଲଏସସିରେ ଲର୍ଣ୍ଣର ସପୋର୍ଟ ସର୍ଭିସ୍ ବନ୍ଦ ପାଇଁ ନିଷ୍ପତ୍ତି ନେଇଛି ଇଗନୋ । ଫଳରେ ଜୁନ ମାସରେ ହେବାକୁ ଥିବା ପରୀକ୍ଷାକୁ ସାମୟିକ ଭାବେ ବାତିଲ କରାଯାଇଛି । ତେବେ ଖୁବଶୀଘ୍ର ନୂଆ ପରୀକ୍ଷା ତାରିଖ ପ୍ରକାଶ ପାଇବ । ତେଣୁ ଫାଇନାଲ ପ୍ରୋଜେକ୍ଟ, ଡିସାଟେସନ, ଫାଇନାଲ ପ୍ରୋଜେକ୍ଟ, ଇଣ୍ଟର୍ଣ୍ଣସିପ୍ ରିପୋର୍ଟ, ଫିଲ୍ଡ ଜର୍ଣ୍ଣାଲ ପ୍ରଦାନ ଲାଗି ଅନଲାଇନ ମୋଡକୁ ଆପଣାଇଛନ୍ତି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ।