RT-PCR ଟେଷ୍ଟିଂ ବଢ଼ାଇବା ପାଇଁ ସବୁ ରାଜ୍ୟକୁ କେନ୍ଦ୍ରର ଚିଠି, ସଂକ୍ରମଣ ବ୍ୟାପିବା ଆଶଙ୍କାରେ ପଦକ୍ଷେପ

ନୂଆଦିଲ୍ଲୀ: ଦେଶରେ ଅଚାନକ ବଢ଼ିଛି କରୋନା କାୟା । ଗତ ସପ୍ତାହେ ହେବ ନିୟମିତ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି । ଏହାକ ଦୃଷ୍ଟିରେ ରଖି ସତର୍କ ରହିବା ପାଇଁ ସବୁ ରାଜ୍ୟକୁ ଚିଠି ଲେଖିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ଗୁରୁତ୍ୱପୂର୍ଣ୍ଣ ପରାମର୍ଶ ଦେଇଛି । RT-PCR ଟେଷ୍ଟିଂ କ୍ଷମତା ବଢ଼ାଇବାକୁ କହିଛନ୍ତି କେନ୍ଦ୍ର ସରକାର । ସର୍ଭେଲାନ୍ସକୁ କଡ଼ାକଡ଼ି କରିବା ପାଇଁ କୁହାଯାଇଛି । ଏହାସହ କନେଣ୍ଟନମେଣ୍ଟକୁ ବି ଅଧିକ କଡ଼ାକଡ଼ି କରିବାକୁ କହିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ।

ବିଶେଷ କରି ମହାରାଷ୍ଟ୍ର, କେରଳ, ଛତିଶଗଡ଼, ମଧ୍ୟପ୍ରଦେଶ, ପଞ୍ଜାବ ଓ ଜମ୍ମୁ କଶ୍ମୀରରେ ସଂକ୍ରମଣ ଗତ କିଛ ଦିନରେ ଉପରମୁହାଁ ହୋଇଛି । ଦେଶର ମୋଟ୍ ଆକ୍ଟିଭ୍ କେସରେ ୭୪ ପ୍ରତିଶତ କେବଳ କେରଳ ଓ ମହାରାଷ୍ଟ୍ରରୁ ଅଛନ୍ତି । ସମ୍ଭାବ୍ୟ ସ୍ଥିତିକୁ ଦୃଷ୍ଟିରେ ରଖି ପ୍ରତିଷେଧକମୂଳକ ପଦକ୍ଷେପ ନେବା ପାଇଁ ସବୁ ରାଜ୍ୟକୁ ପରାମର୍ଶ ଜାରି କରିଛନ୍ତି କେନ୍ଦ୍ର ସରାକର ।