ପୋର୍ଟ ଅଫ ସ୍ପେନ: ବର୍ଷା ବାଧାପ୍ରାପ୍ତ ପ୍ରଥମ ଦିନିକିଆ ବିନା ଫଳାଫଳରେ ଧୋଇଗଲା ପରେ ଭାରତୀୟ ଦଳ ଆଜି ପୋର୍ଟ ଅଫ ସ୍ପେନରେ ୨ୟ ଦିନିକିଆରେ ୱେଷ୍ଟଇଣ୍ଡିଜ ଦଳକୁ ଭେଟୁଛି । ମହାନ କ୍ରିକେଟ ଖେଳାଳି କ୍ରିସ୍ ଗେଲ୍ ଆଜି ତାଙ୍କର ୩୦୦ତମ ଅନ୍ତର୍ଜାତୀୟ ଦିନିକିଆ ମ୍ୟାଚ ଖେଳିବେ । ଏହି ମ୍ୟାଚକୁ ଅଧିକ ସ୍ମରଣୀୟ କରିବାକୁ ଆଜି ଗେଲ୍ ତାଙ୍କ ବ୍ୟାଟିଂରେ ଝଡ଼ ସୃଷ୍ଟି କରିବେ ବୋଲି କ୍ରୀଡ଼ାପ୍ରେମୀ ଆଶା ରଖିଛନ୍ତି ।
When rain does not play spoilsport – #TeamIndia sweat it out indoors before the 2nd ODI against West Indies #WIvIND ?? pic.twitter.com/8aidzXHmTF
— BCCI (@BCCI) August 10, 2019
ତେବେ ରଣନୀତି ପ୍ରସ୍ତୁତ କରିବାରେ ଧୁରନ୍ଧର କପ୍ତାନ ବିରାଟ କୋହଲୀ କେଉଁ ନୀତି ଗେଲଙ୍କ ଲାଗି ଅବଲମ୍ବନ କରିବେ ତାହାକୁ ନେଇ ଚର୍ଚ୍ଚା ହେଉଛି ।
ବିଶ୍ୱକପରେ ଅବସର ଘୋଷଣା କରିଥିଲେ ମଧ୍ୟ ସମସ୍ତଙ୍କ ଅନୁରୋଧକ୍ରମେ ଗେଲ୍ ଭାରତ ସହିତ ମ୍ୟାଚ୍ ଖେଳି ଅବସର ନେବାକୁ ପସନ୍ଦ କରିଥିଲେ । ତେଣୁ ଆଜିର ମ୍ୟାଚରେ ଏକ ସ୍ମରଣୀୟ ଧୁଆଁଧାର ଇନିଂସ ଖେଳିବାକୁ ଉଦ୍ୟମ କରିବାର ଯୋଜନା କରିଛନ୍ତି ଗେଲ୍ ।
ପୋର୍ଟ ଅଫ ସ୍ପେନର ପିଚ୍ ଯେତିକି ମାତ୍ରାରେ ଫାଷ୍ଟ ବୋଲରଙ୍କୁ ସୁହାଇବ ସେତିକି ମାତ୍ରାରେ ଅଧିକ ସ୍ପିନ ହୋଇ ସ୍ପିନରଙ୍କ ଲାଗି ଉତ୍ତମ ସାବ୍ୟସ୍ତ ହେବ । ଆଜି ଏହି ଷ୍ଟାଡ଼ିୟମରେ ବର୍ଷା ଆଶଙ୍କା ନଥିବା ନେଇ ପାଣିପାଗ ବିଭାଗ ସୂଚନା ଦେଇଥିବା ବେଳେ ବ୍ୟାଟ୍ସମ୍ୟାନ ଆଜିର ମ୍ୟାଚଟିକୁ ମନଭରି ଖେଳିପାରିବେ ।
ଆଜି ରବିବାର ଦିନ ଭାରତୀୟ ସମୟ ରାତି ୭ଟାରେ ଆରମ୍ଭ ହେଉଛି ଏହି ୨ୟ ଦିନିକିଆ ମ୍ୟାଚ୍ । ଭାରତୀୟ ଓପନର୍ ରୋହିତ ଶର୍ମା ଓ ଶିଖର ଧାୱନଙ୍କ ସହିତ କପ୍ତାନ କୋହଲୀ ବ୍ୟାଟିଂ ଦାୟିତ୍ୱ ସମ୍ଭାଳୁଛନ୍ତି । ସେହିପରି ବୋଲିଂ ବିଭାଗରେ ମହମ୍ମଦ ସାମି, ଭୁବନେଶ୍ୱର କୁମାର ଏବଂ ରବୀନ୍ଦ୍ର ଜାଡ଼େଜାଙ୍କ ଉପରେ ଦଳ ଅଧିକ ନିର୍ଭର କରିବ ।
ସମ୍ଭାବ୍ୟ ଭାରତୀୟ ଏକାଦଶ:
୧ – ରୋହିତ ଶର୍ମା
୨ – ଶିଖର ଧାୱନ
୩ – ବିରାଟ କୋହଲୀ (ଅଧିନାୟକ)
୪ – ଶ୍ରେୟସ ଆୟାର୍
୫ – କେଦାର ଯାଦବ
୬ – ରିଷଭ ପନ୍ଥ (ୱିକେଟ ରକ୍ଷକ)
୭ – ରବୀନ୍ଦ୍ର ଜାଦେଜା
୮ – ଭୁବନେଶ୍ୱର କୁମାର
୯ – ମହମ୍ମଦ ସାମି
୧୦ – ଖଲିଲ୍ ଅହମ୍ମଦ
୧୧ – କୁଲଦୀପ ଯାଦବ