ଗଲଓ୍ୱାନ ଘାଟିରୁ ପଛକୁ ହଟିବେ ଭାରତ ଓ ଚୀନ୍ ସୈନ୍ୟ

ଜମ୍ମୁ କଶ୍ମୀର: ପୂର୍ବ ଲଦାଖର ଗଲଓ୍ୱାନ ଘାଟି ଓ ଗୋଗ୍ରା ହଟସ୍ପ୍ରିଙ୍କରୁ ସେନ୍ୟ ପ୍ରତ୍ୟାହାର କରିବେ ଉଭୟ ଭାରତ ଓ ଚୀନ । ବୀବାଦୀୟ ସ୍ଥାନରୁ ଦୁଇ ଦେଶ ପଛକୁ ହଟିବା ନେଇ ସହମତି ହୋଇଛି । ପୂର୍ବ ଭଳି ସୀମାରେ ଶାନ୍ତି ବଜାର ରଖିବେ । ଦୁଇ ଦେଶର ସେନା ମଧ୍ୟରେ ଏନେଇ ୧୨ ଘଣ୍ଟାର ମାରାଥନ୍ ଆଲୋଚନା ହୋଇଛି ।
ପାନଙ୍ଗଙ୍ଗ ସୁ ସ୍ଥିତି ଅସ୍ପଷ୍ଟ
ଗଲଓ୍ୱାନ ଘାଟି ଓ ଗୋଗ୍ରା ହଟସ୍ପିଙ୍ଗରୁ ସେନା ପ୍ରତ୍ୟାହାର ନିଷ୍ପତ୍ତି ହୋଇଥିଲେ ବି ବିବାଦୀୟ ପାନଙ୍ଗଙ୍ଗ ସୁ ନେଇ ସ୍ଥିତି ଅସ୍ପଷ୍ଟ । ଯାହାକୁ ନେଇ ଗତ ମାସ ୧୫ ତାରିଖରେ ଦୁଇ ଦେଶର ସେନା ମଧ୍ୟରେ ରକ୍ତାକ୍ତ ସଂଘର୍ଷ ହୋଇଥିଲା । ଏଥିରେ ୨୦ ଭାରତୀୟ ଯବାନ ସହିଦ ହୋଇଥିଲେ ।
ପାନଙ୍ଗଙ୍ଗ ସୁ ନିକଟରେ ଚୀନ୍ ସେନା ବହୁ ସଂଖ୍ୟାରେ ବଙ୍ଗର ନିର୍ମାଣ କରିଛି । ଡ୍ରାଗନ୍ ସେନା ଫିଙ୍ଗର-୪ ରୁ ପିଙ୍ଗର-୮ ଯାଏ କବଜା କରିଲାଣି । ଯାହାକୁ ବିରୋଧ କରୁଛି ଭାରତ । ବଙ୍କର ହଟାଇବାକୁ ବାରମ୍ବାର ଦାବି କରି ଆସୁଛି ।

ଗଲଓ୍ୱାନ ଓ ହଟସ୍ପ୍ରିଙ୍ଗ ଏରିଆରୁ ପଛ ଘୁଞ୍ଚା ଦେବାକୁ ବାରମ୍ବାର ପ୍ରତିଶ୍ରୁତି ଦେଇ ପ୍ରତାରଣା କରୁଛି ଚୀନ୍ । ପୂର୍ବରୁ ଜୁନ୍ ୬ ଓ ୨୨ ତାରିଖରେ ବି ସେହି ସ୍ଥାନରୁ ସୈନ୍ୟ ପ୍ରତ୍ୟାହାର ନେଇ କଥା ଦେଇଥିଲା । କିନ୍ତୁ କାମରେ କରି ଦେଖାଉନି । ମିଛୁଆ ଚୀନର କଥା ଗୋଟେ ଓ କାମ କରୁଛି ଆଉ ଗୋଟେ । ଏବେ ଦେଖିବା କଥା ତୃତୀୟ ଥର ଆଲୋଚନାରୁ ବାହାରିଥିବା ନିଷ୍ପର୍ଷକୁ କିଭଳି ପାଳନ କରୁଛି ପ୍ରତାରକ ଚୀନ୍ ।