ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡାରେ ୫ମ ଥର ପାଇଁ ଭାରତୀୟ ମହିଳା ହକି ଦଳ ସେମିଫାଇନାଲରେ ପ୍ରବେଶ କରିଛି । ବୁଧବାର ଚତୁର୍ଥ ଗ୍ରୁପ ମ୍ୟାଚରେ ଭାରତ ୩-୨ର କାନାଡାକୁ ପରାସ୍ତ କରିଥିଲା । କାନାଡା ସେମି ଦୌଡରୁ ବାଦ ପଡିଛି । ଭାରତ ପାଇଁ ଏହି ମ୍ୟାଚରେ ସଲିମା ଟେଟେ, ନବନୀତ କୌର ଓ ଲାଲରେମ୍ସିୟାମି ଗୋଲ ସ୍କୋର କରିଥିଲେ । ବ୍ରାଏନ ଷ୍ଟେୟର୍ସ ଓ ହନ୍ନା ହ୍ୟନ କାନାଡ ପକ୍ଷରୁ ଗୋଲ ଦେଇଥିଲେ । ୫ ଅଗଷ୍ଟରେ ଭାରତ ସେମିରେ ଶକ୍ତିଶାଳୀ ଅଷ୍ଟ୍ରେଲିଆକୁ ଭେଟିବ । ପୂର୍ବରୁ ଭାରତ ୫-୦ ଗୋଲରେ ଘାନାକୁ ଏବଂ ୩-୧ରେ ୱେଲ୍ସକୁ ପରାସ୍ତ କରିଥିଲା । ଇଂଲଣ୍ଡ ବିପକ୍ଷରେ ଦଳ ପରାଜୟବରଣ କରିଥିଲା । ଗତ ସଂସ୍କରଣରେ ଭାରତ ଅଳ୍ପକେ ବ୍ରୋଞ୍ଜ ପଦକ ସୁଯୋଗ ହାତଛଡା କରିଥିଲା ।
Comments are closed.