ୱେଲିଂଟନ୍: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ୩ୟ ଦିନିକିଆ ମ୍ୟାଚ ମଙ୍ଗଳବାର ଦିନ ବେ ଓଭଲ୍ ଷ୍ଟାଡିୟମରେ ଖେଳାଯାଉଛି । ଏହି ମ୍ୟାଚରେ ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ପ୍ରାୟ ୨୯୬ ରନ୍ କରିପାରିଛି ।
୨-୦ରେ ଆଗୁଆ ଥିବା ନ୍ୟୁଜିଲାଣ୍ଡ ଦଳ ଦୃଢ ମନୋବଳରେ ମଇଦାନକୁ ଓହ୍ଲାଇଥିବା ବେଳେ ଟିମ୍ ଇଣ୍ଡିଆ ଏହି ସିରିଜ ଜିତି ଖାତା ଖୋଲିବାକୁ ଚେଷ୍ଟା ଜାରି ରଖିଛି ।
ନ୍ୟୁଜିଲାଣ୍ଡକୁ ୨୯୭ ରନର ଟାର୍ଗେଟ୍ ଦେଇଥିବା ବେଳେ କେ ଏଲ ରାହୁଲ (୧୧୨) ଓ ଶ୍ରେୟଶ ଅୟର (୬୨) ରନର ଦମଦାର ପାଳି ଖେଳିଥିଲେ । ଏହି ଲକ୍ଷ୍ୟ ନେଇ ନ୍ୟୁଜିଲାଣ୍ଡ ବ୍ୟାଟିଂ କରୁଥିବା ବେଳେ ଭାରତ ୱିକେଟ୍ ନେବା ଲାଗି ରଣନୀତି ଚଳାଇଛି ।
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଏହି ମ୍ୟାଚ ଦର୍ଶକଙ୍କ ଲାଗି ବେଶ ରୋମାଞ୍ଚକର ହେଉଥିବା ନେଇ ଆଶା କରାଯାଉଛି ।