ନୂଆଦିଲ୍ଲୀ: ବ୍ରିଟେନର ରାଜଧାନୀ ଲଣ୍ଡନରେ ରହୁଥିବା ଭାରତୀୟ ଲେଖିକା ଚେତନା ମାରୋଙ୍କ ପ୍ରଥମ ଉପନ୍ୟାସ ‘ୱେଷ୍ଟର୍ଣ୍ଣ ଲେନ୍’ ବୁକର୍ ପୁରସ୍କାର ୨୦୨୩ ର ସମ୍ଭାବ୍ୟ ୧୩ ବିଜେତା ପୁସ୍ତକ ମଧ୍ୟରେ ସାମିଲ କରାଯାଇଛି । ମଙ୍ଗଳବାର ଦିନ ପ୍ରକାଶ ପାଇଥିବା ତାଲିକାରେ ଉପନ୍ୟାସ ‘ୱେଷ୍ଟର୍ଣ୍ଣ ଲେନ୍’ ଅନ୍ତର୍ଭୁକ୍ତ ଥିବା ସୂଚନା ମିଳିଛି ।
କେନିଆରେ ଜନ୍ମଗ୍ରହଣ କରିଥିବା ମାରୁଙ୍କ ଉପନ୍ୟାସ ବ୍ରିଟେନରେ ରହୁଥିବା ଗୁଜୁରାଟୀ ଲୋକଙ୍କ ପରିବେଶ ଉପରେ ଆଧାରିତ। ବୁକର୍ ପୁରସ୍କାରର ଖଣ୍ଡପୀଠ ଉପନ୍ୟାସରେ ଜଟିଳ ମାନବ ଭାବନାକୁ ପହଞ୍ଚାଇବା ପାଇଁ ସ୍କ୍ୱାସ୍ ଖେଳରେ ବ୍ୟବହୃତ ଶବ୍ଦକୁ ପ୍ରଶଂସା କରିଥିଲେ ।ଏହି ଉପନ୍ୟାସଟି ୧୧ ବର୍ଷର ଝିଅ ଗୋପୀ ଏବଂ ତାଙ୍କ ପରିବାରଙ୍କ ସହ ସମ୍ପର୍କ ଉପରେ ଆଧାରିତ ।
କାନାଡାର ଔପନ୍ୟାସିକ ତଥା ଦୁଇ ଦୁଇଥର ବୁକର୍ ପୁରସ୍କାର ପାଇଥିବା ଏସି ଏଡୁଗିଆନଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କହିଛନ୍ତି ଯେ ‘ସ୍କ୍ୱାସ୍ ଖେଳର ଶବ୍ଦଗୁଡ଼ିକ ଉଭୟ ସନ୍ଦର୍ଭ ଏବଂ ଉପମା ପାଇଁ ଚତୁରତାର ସହ ବ୍ୟବହୃତ ହୋଇଥିଲା। ‘ୱେଷ୍ଟର୍ଣ୍ଣ ଲେନ୍’ ହେଉଛି ଏକ ଦୁଃଖୀ ପରିବାରର କାହାଣୀ ଯାହାକୁ ସମ୍ପୂର୍ଣ ସ୍ପଷ୍ଟ ଭାବରେ ବର୍ଣ୍ଣନା କରାଯାଇଛି । ବୁକର୍ ପୁରସ୍କାର ୨୦୨୩ ର ବିଜେତାଙ୍କ ଘୋଷଣା ୨୬ ନଭେମ୍ବରରେ ଲଣ୍ଡନରେ ହେବାକୁ ଯାଉଥିବା ଏକ ସମାରୋହରେ କରାଯିବ ଏବଂ ବିଜେତାଙ୍କୁ ୫୦ ହଜାର ପାଉଣ୍ଡ ଏବଂ ‘ଆଇରୀଶ’ ନାମକ ଟ୍ରଫି ପ୍ରଦାନ କରାଯିବ।
‘ୱେଷ୍ଟର୍ଣ୍ଣ ଲେନ୍’ ହେଉଛି ଲେଖିକାଙ୍କ ଚାରୋଟି ବଡ ଉପନ୍ୟାସ ମଧ୍ୟରୁ ଗୋଟିଏ ଯାହାକି ଚଳିତ ବର୍ଷର ‘ବୁକର୍ ଡଜନ୍’ ର ୧୩ ଟି ସମ୍ଭାବ୍ୟ ପୁସ୍ତକ ତାଲିକା ମଧ୍ୟରେ ରହିଛି । ଏହା ବ୍ୟତୀତ ଜୋନାଥନ୍ ଏସ୍କୋଫେରୀଙ୍କ ‘ଇଫ ଆଇ ସରଭାଇବ’, ସିଆନ୍ ହ୍ୟୁଜଙ୍କ ‘ପର୍ଲ’ ଏବଂ ଭିକ୍ଟୋରିଆ ଲଏର୍ଡ-ବାର୍ଲୋଙ୍କ ‘ଅଲ୍ ଦ ଲିଟିଲ୍ ବାର୍ଡ-ହାର୍ଟସ୍’ ମଧ୍ୟ ଏହି ତାଲିକାରେ ରହିଛି।