ନୂଆଦିଲ୍ଲୀ: ଆଜିକାଲିର ଇଣ୍ଟରନେଟ୍ ଯୁଗରେ ରିଲ୍ସ ପାଇଁ କିଛି ଜଣ ଏତେ ପାଗଳ ଯେ, ସେମାନେ ଏପରି କାର୍ଯ୍ୟ କରନ୍ତି ଯାହାକୁ ଆପଣ କଳ୍ପନା ମଧ୍ୟ କରିପାରିବେ ନାହିଁ। କେବଳ ସୋସିଆଲ ମିଡିଆରେ ନିଜକୁ ଦେଖାଇବା ପାଇଁ ଲାଇକ୍ସ ପାଇଁ ସର୍ବସାଧାରଣ ସମ୍ପତ୍ତି ନଷ୍ଟ କରିବାରେ କିମ୍ବା ନିଜ ଜୀବନକୁ ବିପଦରେ ପକାଇବାକୁ ସେମାନେ ପଛାନ୍ତି ନାହିଁ । ସେଭଳି ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି, ଯାହା ବହୁତ ଅଜବ ଅଟେ ।
ଭିଡିଓରେ ବ୍ୟକ୍ତି ଜଣକ ଟ୍ରେନ୍ ଭିତରେ ଅସାମାଜିକ କାର୍ଯ୍ୟ କରୁଥିବାର ଦେଖିବାକୁ ମିଳିଛି। ଏହି ଭିଡିଓ ଦେଖିବା ପରେ ଲୋକମାନେ ନିଜର କ୍ରୋଧ ପ୍ରକାଶ କରିଛନ୍ତି। ସେ କିପରି ଦେଶର ସମ୍ପତ୍ତି ନଷ୍ଟ କରିପାରିବେ ଏବଂ ତାଙ୍କୁ କେହି କିଛି କହୁ ନାହାଁନ୍ତି କିପରି? ରିଲ୍ ପାଇଁ ଏପରି ଭିଡିଓ କରୁଥିବାରୁ ଜଣାପଡୁଛି ।
ଭାଇରାଲ ଭିଡିଓରେ, ରାତି ସମୟରେ ଭାରତୀୟ ରେଳ ଗାଡିର ଏକ ଜେନେରାଲ ବଗିରେ ଯୁବକ ଜଣକ ସିଟ୍ କଭର ଫାଡୁଛନ୍ତି । ଫାଡିକି ସେହି କଭରକୁ ଟ୍ରେନର ଝରକା ବାହାରେ ଫୋପାଡୁଛନ୍ତି । ଏହା ପରେ ସିଟ୍ ରେ ଲାଗିଥିବା ଲୁହାକୁ ବି ଝରକା ବାହାରେ ଫୋଫାଡି ଦେଇଛନ୍ତି । ଏହିସବୁ କଲାବେଳେ ଦାନ୍ତ ଦେଖାଇ ହସୁଛନ୍ତି ।
ତେବେ ସୋସିଆଲମିଡିଆରେ ଏହି ଭିଡିଓ ଦେଖିବାପରେ ଲୋକମାନେ ସମଲୋଚନା କରିଛନ୍ତି ।
ମିଷ୍ଟର ସିହ୍ନା ନାମକ ଜଣେ ୟୁଜର ଏକ୍ସରେ ଭିଡିଓ ସେୟାର କରିଛନ୍ତି ଓ କ୍ୟାପସନ୍ ରେ ଲେଖିଛନ୍ତି ଯେ, ଏହି ସିଟ୍ ଚିରୁଥିବା ବ୍ୟକ୍ତି ପରେ ଅନ୍ୟ ୟୁଟ୍ୟୁବର ସହ କଥା ହେବେ ସରକାର ଖରାପ ଓ ରେଳବାଇର ଖରାପ ସ୍ଥିତି ।
ତେବେ ଏହି ଭିଡିଓ କେବେ ଏବଂ କେଉଁଠାରେ ରେକର୍ଡ ହୋଇଛି ସେ ସମ୍ପର୍କରେ ସୂଚନା ମିଳି ନାହିଁ। ପୋଷ୍ଟରେ ଜଣେ ୟୁଜର କମେଣ୍ଚ ଦେଇଛନ୍ତି ଯେ, ସେହି ବ୍ୟକ୍ତିକୁ ଧରିବା ଉଚିତ ଏବଂ କ୍ଷତିପୂରଣ ତା’ଠାରୁ ନେବା ଉଚିତ୍ । ସେହିପରି ଆଉ ଜଣେ କମେଣ୍ଚ କରିଛନ୍ତି ଯେ, ଦଣ୍ଡ ମିଳିବା ଆବଶ୍ୟକ ।
Comments are closed.