ମେକ୍ସିକୋ: ପୂର୍ବ କାଳରେ ଯେତେବେଳେ କୌଣସି ବ୍ୟକ୍ତିଙ୍କର ମୃତ୍ୟୁ ଘଟୁଥିଲା, ସେହି ମୃତ ଶରୀରକୁ ସଂରକ୍ଷଣ କରି ରଖାଯାଉଥିଲା । ସେଥିଲାଗି ମୃତ ଶରୀର ଉପରେ ଅନେକ ପ୍ରକାରର ରାସାୟନିକ ପଦାର୍ଥ ବୋଳାଯାଉଥିଲା । ତେଣୁ ମୃତ ଶରୀରଗୁଡ଼ିକ ନଷ୍ଟ ନ ହେବା ସହିତ ଦୀର୍ଘଦିନ ଧରି ସଂରକ୍ଷିତ ରହୁଥିଲା । କୁହାଯାଏ, ମୃତ୍ୟୁ ପରେ ମଧ୍ୟ ମନୁଷ୍ୟର ଆତ୍ମା ଜୀବିତ ରହିଥାଏ । ଆତ୍ମା ମଧ୍ୟ ମଣିଷର ମୃତ ଶରୀରକୁ ପୁନର୍ବାର ଜୀବିତ କରିପାରେ । ଯଦି କୌଣସି ଶରୀର ନଷ୍ଟ ହୋଇଯାଏ, ତେବେ ସେହି ବ୍ୟକ୍ତି ପୁନର୍ବାର ଜୀବିତ ହେବାର ଆଶା ନ ଥାଏ । ସେ ଦୃଷ୍ଟିରୁ ସଂରକ୍ଷିତ ହୋଇଥିବା ମୃତ ଶରୀରକୁ ମମି କୁହାଯାଉଥିଲା ।
ଇଜିପ୍ଟରେ ଅନେକ ମମି ଅଛି, ଯାହା ସଂଗ୍ରହାଳୟରେ ଜନସାଧାରଣଙ୍କ ପାଇଁ ପ୍ରଦର୍ଶିତ ହୁଏ । ଏହି ମମିଗୁଡିକ ବିଷୟରେ ସମସ୍ତ ସୂଚନା ମଧ୍ୟ ଦିଆଯାଇଥାଏ । ଏହିପରି ଅନେକ ମମି ମେକ୍ସିକୋର ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଆନ୍ଥ୍ରୋପୋଲୋଜି ଏବଂ ଇତିହାସ ବିଭାଗରେ ସ୍ଥାନୀତ । କିନ୍ତୁ ବର୍ତ୍ତମାନ ଏହି ସଂଗ୍ରହାଳୟରେ ଥିବା ମମିଗୁଡ଼ିକୁ ନେଇ କର୍ତ୍ତୃପକ୍ଷ ଏକ ଚେତାବନୀ ଜାରି କରିଛନ୍ତି । ଏଥିରେ କୁହାଯାଇଛି ଯେ, ଏଠାରେ ରଖା ଯାଇଥିବା ଏକ ମମିରେ ଫଙ୍ଗଲ୍ ସଂକ୍ରମଣ ହେଉଥିବା ଦେଖିବାକୁ ମିଳିଛି । ଅର୍ଥାତ୍ ଏହି ମମିଗୁଡ଼ିକରୁ ସଂକ୍ରମଣ ବିସ୍ତାର ହେଉଛି, ଯାହା ଏଠାକୁ ଆସୁଥିବା ଲୋକଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ ବୋଲି ଅନୁମାନ କରାଯାଉଛି ।
ସଂଗ୍ରହାଳୟ ସୂତ୍ରରୁ ଜଣାଯାଇଛି , ଯେଉଁ ମମିରୁ ସଂକ୍ରମଣ ବିସ୍ତାର ହେଉଛି ତାହା ୧୮୦୦ ମସିହାର । ଏହି କାରଣରୁ ପ୍ରତିଷେଧକସ୍ୱରୂପ ଜନସାଧାରଣଙ୍କ ମଧ୍ୟରେ ସ୍ୱାସ୍ଥ୍ୟ ସମସ୍ୟା ମାରାତ୍ମକ ହୋଇପାରେ । ବାସ୍ତବରେ, ଏହି ମୃତଦେହଗୁଡ଼ିକୁ ମମି କରିବା ପାଇଁ କୌଣସି ଉଦ୍ଦେଶ୍ୟ ନ ଥିଲା । ସେମାନଙ୍କୁ କେବଳ ଶୁଖିଲା ମାଟିରେ ପୋତି ଦିଆଯାଇଥିଲା । ଏଥିମଧ୍ୟରୁ କେତେକରେ କେଶ, ଚମଡା ଏବଂ କିଛି ପୋଷାକ ଅଛି । କିନ୍ତୁ ଯେଉଁଠାରେ ସେମାନଙ୍କୁ ସମାଧି ଦିଆଯାଇଥିଲା, ସେମାନେ ମମି ହୋଇଗଲେ । କିନ୍ତୁ ବର୍ତ୍ତମାନ ଜୀବାଣୁ ସଂକ୍ରମଣ ବୃଦ୍ଧି ଗୋଟିଏ ମମିରେ ଦେଖାଯାଉଛି ।
ସଂଗ୍ରହାଳୟରେ ଏହି ମମି ଯେଉଁଠି ଅଛି,ସେଠାରେ ୬ଟି ମମି ଥିଲା । ସେମାନଙ୍କୁ ଏକ ଏୟାର ଟାଇଟ୍ କେସରେ ରଖାଯାଇଥିଲା । ତଥାପି ଏହା ସଂକ୍ରମିତ ହୋଇଛିି, ଯେଉଁକାରଣରୁ ବର୍ତ୍ତମାନ ପ୍ରଦର୍ଶନରୁ ହଟାଇ ଦିଆଯାଇଛି । ଏବେ ଏହା ଉପରେ ଅଧିକ ତଦନ୍ତ ଜାରି ରହିଛି ।
Comments are closed.