ତେହରାନ: ଇରାନର ପ୍ରମୁଖ ନ୍ୟୁକ୍ଲିୟର ବୈଜ୍ଞାନିକ ମୋହସୀନ ଫଖରୀଜାଦେହଙ୍କୁ ହତ୍ୟା କରାଯାଇଛି । ଏହି ହତ୍ୟକାଣ୍ଡରେ କିଏ ସାମିଲ ତାହା ସ୍ପଷ୍ଟ ହୋଇ ନାହିଁ । ଦି ଫାଦର ଅଫ ଇରାନିୟନ ବମ୍ବ ଭାବେ ପରିଚିତ ଫଖରୀଜାଦେହ ଇରାନରେ ବେଶ୍ ଲୋକପ୍ରିୟ ଥିଲେ । ଇରାନର କ୍ରାନ୍ତିକାରୀ ଗାର୍ଡ କମାଣ୍ଡର ପୂର୍ବ ଭଳି ଏହି ହତ୍ୟାର ପ୍ରତିଶୋଧ ନିଶ୍ଚିତ ଭାବେ ନିଆଯିବ ବୋଲି ଘୋଷଣା କରିଛନ୍ତି ।
ପୂର୍ବରୁ ୨୦୧୦ରୁ ୧୨ ମଧ୍ୟରେ ୪ଜଣ ବୈଜ୍ଞାନିକଙ୍କୁ ହତ୍ୟା କରାଯାଇଥିଲା । ଫଖରୀଜାଦେହ ଉପସ୍ଥିତିରେ ଇରାନ ବଡ ଧରଣର ନ୍ୟୁକ୍ଲିୟର ପ୍ରୋଜେକ୍ଟ ଆରମ୍ଭ କରିଥିଲା । ଯାହା କି ତାର ଶତ୍ରୁ ଦେଶଗୁଡିକୁ ଚିନ୍ତାରେ ପକାଇଥିଲା । ତେବେ ଇସ୍ରାଏଲ ଏହି ହତ୍ୟା କାଣ୍ଡ ପଛରେ ଥିବା ସ୍ଥାନୀୟ ଗଣମାଧ୍ୟମ ପରୋକ୍ଷରେ ସୂଚନା ଦେଇଛନ୍ତି ।