ଗାଜା: ଧ୍ୱଂସ ସ୍ତୁପ ପାଲଟିଛି ଗାଜା । ଉଜୁଡା ଘର.ଆର୍ତ୍ତ ଚିତ୍କାର । ଏ ଦୃଶ୍ୟ,ଏ ଶବ୍ଦ ହୃଦୟ ଥରାଇ ଦେଉଛି । ତାରି ଭିତରେ ବି ଚାଲିଛି ଉଦ୍ଧାର କାର୍ଯ୍ୟ । ଧ୍ୱଂସ ସ୍ତୁପ ତଳୁ ବାହାରୁଛି ମୃତଦେହ । ଉଦ୍ଧାରକାରୀ ଟିମ ଲୁହ ଆଉ କୋହକୁ ଚାପି କର୍ତ୍ତବ୍ୟରେ ଲାଗିଛନ୍ତି । ହେଲେ ଏ ଦୃଶ୍ୟ ଦେଖିବା ପରେ କାହା ଆଖିର ଲୁହ ଆଉ ବୋଲ ମାନି ନ ଥିଲା । ଘଣଟିଏ ପାଇଁ ଅଟକି ଯାଇଥିଲା ହାତ । ଧ୍ୱଂସସ୍ତୁପ ତଳୁ ଉଦ୍ଧାର ହୋଇଥିଲା ଏକ ମହିଳାଙ୍କ ଶବ । କୋଳରେ ଥିଲା କ୍ଷତବିକ୍ଷତ ଶିଶୁର ଶବ ।
ଉଦ୍ଧାରକାରୀ ଟିମର ମୁଖ୍ୟ କର୍ଣ୍ଣଲ ଗୋଲନ ବାଚ କହିଛନ୍ତି, ଆକ୍ରମଣର ତିନି ଦିନ ପରେ ବିରି କିବୁତ୍ଜରେ ଧ୍ୱଂସସ୍ତୁପ ତଳୁ ଉଦ୍ଧାର କାର୍ଯ୍ୟ ଚାଲିଥିଲା । ଏହି ସମୟରେ ଉଦ୍ଧାରକାରୀ ଟିମ ଜଣେ ମିହଳାଙ୍କ ଶବ ଉଦ୍ଧାର କରିଥିଲେ, ଯାହାଙ୍କ କୋଳରେ ଏକ କ୍ଷତବିକ୍ଷତ ଶିଶୁର ଶବ ଥିଲା । ବୋଧହୁଏ ମହିଳାଜଣକ ଶେଷ ସମୟ ପର୍ଯ୍ୟନ୍ତ ନିଜ ସନ୍ତାନକୁ ରକ୍ଷା କରିବାକୁ ଚାହୁଁଥିଲେ । ହେଲେ ପାରି ନ ଥିଲେ । ଗୋଲନ ବାଚ କହିଥିଲେ, ସେ ନିଜେ ଶିଶୁର ଶବକୁ ଏକ ବଡିବ୍ୟାଗରେ ନିଜ ହାତରେ ରଖିଥିଲେ । ଏ ଦୃଶ୍ୟ ଶତ୍ରୁର ହୃଦୟକୁ ବି ଭିଜାଇ ଦେବ ।
ଇସ୍ରାଏଲର କହିବା ଅନୁଯାୟୀ, ହମାସ ଆତଙ୍କବାଦୀ ଦକ୍ଷିଣ ଇସ୍ରାଏଲେ କିବୁତ୍ଜ ସମୁଦାୟ, କସବୋ ଏବଂ ସୈନ୍ୟଆଡ୍ଡାରେ ଆକ୍ରମଣ କରୁଛନ୍ତି । ଏହି ଆକ୍ରମଣରେ ୧୪୦୦ ଲୋକଙ୍କ ମୃତ୍ୟୁ ଘଟିଛି । ୨୨୯ ଜଣଙ୍କୁ ବନ୍ଧକ କରି ନେଇଛି ହମାସ । ମୃତକଙ୍କ ମଧ୍ୟରେ ଅନେକ ମହିଳା ଓ ଶିଶୁ ଅଛନ୍ତି । ଏମାନଙ୍କୁ ଅତି ନିର୍ଦ୍ଦୟ ଭାବେ କରାଯାଇଛି ।
ତେବେ ହମାସ ପକ୍ଷରୁ ଏପରି ଅଭିଯୋଗକୁ ଖଣ୍ଡନ କରି କୁହାଯାଇଛି, ସେମାନେ କୌଣସି ଶିଶୁର ହତ୍ୟା କରିନାହାନ୍ତି ।
BREAKING NEWS
- ସଫଳତାର ସହ ଉଦଯାପିତ ହେଲା ଜେ୩୦ ଆଇଟିଏଫ ଟେନିସ ଟୁର
- ଚାଲିଛି ୨ ହେଭିୱେଟଙ୍କ ବିଶାଳ ମେଗା ରୋଡ ସୋ’
- ରାଜଧାନୀ ଦେଖିବ ପ୍ରଧାନମନ୍ତ୍ରୀଙ୍କ ମେଗା ରୋଡ୍ ସୋ, ଭୁବନେଶ୍ୱରରେ ପହଞ୍ଚିଲେ ମୋଦି
- ୨୮,୨୦୦ ମୋବାଇଲ ହ୍ୟାଣ୍ଡସେଟକୁ ବ୍ଲକ କରିବାକୁ ନିର୍ଦ୍ଦେଶ ଦେଲେ କେନ୍ଦ୍ର ସରକାର
- ଦୁଇ ବସ୍ ମୁହାଁମହିଁ ଧକ୍କା, ଏକାଧିକ ଆହତ
- ବଢିଲା ଯୌନ ଉତ୍ପୀଡ଼ନ ମାମଲାରେ ସମ୍ପୃକ୍ତ ବ୍ରିଜଭୂଷଣ ଶରଣ ସିଂହଙ୍କ ଅଡୁଆ
- ବାହାରିଲେ କେଜ୍ରିଓ୍ବାଲ, ବଦଳିବ ମାହୋଲ୍ !
- ଜେଲରୁ ବାହାରିଲେ କେଜ୍ରିୱାଲ, କହିଲେ କାଲି ହନୁମାନ ମନ୍ଦିରରେ ହେବ ଦେଖା
- ଆଜ୍ଞାମାଳ ବିଜେ ପରେ ଅନୁକୁଳ ହେଲା ରଥକାଠ, ସେପଟେ ନରେନ୍ଦ୍ର ପୁଷ୍କରିଣୀରେ ଚାପ ଖେଳିଲେ ମହାପ୍ରଭୁ
- ନବରଙ୍ଗପୁରରେ ବଦଳୁଛି ହାୱା !