ବେଙ୍ଗାଲୁରୁ: ଶନିବାର ବିଳମ୍ବ ରାତିରେ ଇସ୍ରୋ ସୂଚନା ଦେଇଛି ଯେ ଚନ୍ଦ୍ରପୃଷ୍ଠରେ ଥିବା ରୋଭର ପ୍ରଜ୍ଞାନ ଏହାର ପ୍ରଥମ କାମ ଶେଷ କରିଛି। ଏବେ ଏହାକୁ ସୁରକ୍ଷିତ ଭାବେ ପାର୍କିଂ କରାଯାଇ ସ୍ଲିପ୍ ମୋଡରେ ରଖାଯାଇଛି। ଏପିଜେଡଏସ ଏବଂ ଏଲଆଇବିଏସ ପେଲୋଡକୁ ବନ୍ଦ କରିଦିଆଯାଉଛି। ଏହି ପେଲୋଡରୁ ଲ୍ୟାଣ୍ଡର ମାଧ୍ୟମରେ ତଥ୍ୟ ପୃଥିବୀକୁ ପଠାଯାଇଥାଏ। ଏହାର ଅର୍ଥ ରୋଭରକୁ ଶୋଇବାକୁ ନିର୍ଦ୍ଦେଶ ଦିଆଯାଇଛି ଏବଂ ଏହା ଆଜି (ରବିବାର) ଶୋଇଯିବ ବା ସ୍ଲିପ ମୋଡରେ ରହିବ।
ବର୍ତ୍ତମାନ ବ୍ୟାଟେରୀ ସମ୍ପୂର୍ଣ୍ଣ ଚାର୍ଜ ହୋଇସାରିଛି ଏବଂ ୨୦୨୩ ସେପ୍ଟେମ୍ବର ୨୨ରେ ହେବାକୁ ଥିବା ଆଗାମୀ ସୂର୍ଯ୍ୟ ଉଦୟ ସମୟରେ ଏହି ସୌର ପ୍ୟାନେଲ ଆଲୋକ ଗ୍ରହଣ କରିବା ପାଇଁ ଉନ୍ମୁକ୍ତ ହୋଇଛି। ସେଥିପାଇଁ ରିସିଭର ଅନ ରଖାଯାଉଛି। ଏହାପରେ ଆଉ କିଛି କାମ କରି ପୃଥିୀକୁ ଜହ୍ନ ରାଇଜର ଆଉ କିଛି ତଥ୍ଯ ପଠାଇ ବୋଲି ଆଶା ରଖାଯାଉଛି।
ଚନ୍ଦ୍ରରେ ନିଜର ସ୍ୱଳ୍ପ ଅବଧିରେ, ପ୍ରଜ୍ଞାନ ଶନିବାର ସୁଦ୍ଧା ୧୦୦ ମିଟରରୁ ଅଧିକ ଅତିକ୍ରମ କରିସାରିଛି, ଯାହା ଏହାର ନିୟୋଜିତ ହେବାର ମାତ୍ର ୧୦ମ ଦିନରେ ହୋଇପାରିଛି। ଅଗଷ୍ଟ ୨୩ରେ ବିକ୍ରମର ସଫ୍ଟ ଲ୍ୟାଣ୍ଡିଂର କିଛି ଘଣ୍ଟା ପରେ ଅଗଷ୍ଟ ୨୪ ରେ କାମ ଆରମ୍ଭ କରିଛି ପ୍ରଜ୍ଞାନ।
୧୪,୪୦୦ ମିନିଟ୍ ୧୦ ଦିନର ହୋଇଥିବା ବେଳେ ମାତ୍ର ଏକ ସେକେଣ୍ଡର ବେଗ ଏବଂ ଅନେକ ପ୍ରତିବନ୍ଧକକୁ ଅତିକ୍ରମ କରି ପ୍ରଜ୍ଞାନ ୧୦ ଦିନରେ ୧୬୭ ମିନିଟ୍ ଗତି କରିଛି। କାରଣ ଏହାର ଆକାର ଏବଂ ଡିଜାଇନକୁ ଦୃଷ୍ଟିରେ ରଖି ଏହାର ଗତିବିଧି ଅତ୍ୟନ୍ତ ସୀମିତ ଏବଂ ଏହାର ସୁଚିନ୍ତିତ ଯୋଜନାର ଆବଶ୍ୟକତା ରହିଛି। ଏହା ଇସ୍ରୋ ଦ୍ୱାରା କାର୍ଯ୍ୟକାରୀ କରାଯାଇଥିବା ପ୍ରତ୍ୟେକ ମୋବିଲିଟି ପ୍ଲାନରେ କେବଳ ୫ ମିଟର ପାଖାପାଖି ଗତି କରିପାରିବ।
ପ୍ରଜ୍ଞାନଙ୍କ ଅପରେସନ୍ ସମ୍ପୂର୍ଣ୍ଣ ସ୍ୱୟଂଶାସିତ ନୁହେଁ ଏବଂ ଏଥିପାଇଁ ପୃଥିବୀରୁ କମାଣ୍ଡ ପଠାଇବାକୁ ପଡ଼ିଥାଏ। ଯେକୌଣସି ମୋବିଲିଟି ପ୍ଲାନରେ ପ୍ରଜ୍ଞାନ କେବଳ ୫ ମିଟର କଭର କରି ପାରିଥାନ୍ତା ଯଦି ଟର୍ନଅରାଉନ୍ଡ ସମୟ ଦିଆଯାଇଥାନ୍ତା।
ଯଦି ଆମେ ବିଶେଷ ଭାବେ ରୋଭରକୁ ଦେଖିବା, ଆମେ ମାତ୍ର ୧୦ ଦିନ ମଧ୍ୟରେ ୧୦୦ ମିଟରରୁ ଅଧିକ ଅତିକ୍ରମ କରିବାରେ ସଫଳ ହୋଇଛୁ ବୋଲି ପି. ବୀରମୁଥୁଭେଲ, ଚନ୍ଦ୍ରଯାନ-୩ର ପ୍ରକଳ୍ପ ନିର୍ଦ୍ଦେଶକ ଡ, ଟିଓଆଇ ଏହି ସୂଚନା ଦେଇଛନ୍ତି।