ନିଜ ଦେଶର କଥା ବଖାଣି ଏପରି ଲେଖିଲେ ସିଙ୍ଘଳୀ ସୁନ୍ଦରୀ ଜ୍ୟାକଲିନ

ମୁମ୍ବାଇ: ଭାରତର ପଡୋଶୀ ଦେଶ ଶ୍ରୀଲଙ୍କା ଭୟଙ୍କର ଆର୍ଥିକ ସଙ୍କଟ ଦେଇ ଗତି କରୁଛି। ଲୋକଙ୍କୁ ରୋଷେଇ ଗ୍ୟାସ୍ ପାଇଁ ଲମ୍ବା ଧାଡିରେ ଛିଡା ହେବାକୁ ପଡୁଛି। ଏଥିସହିତ ଦରଦାମ ମଧ୍ୟ ଆକାଶଛୁଆଁ ହୋଇଛି। ସଙ୍କଟର ଏହି ଘଡିସନ୍ଧୀ ମୁହୂର୍ତ୍ତ ଦେଇ ଶ୍ରୀଲଙ୍କା ଗତି କରୁଥିବା ବେଳେ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ମଧ୍ୟ ନିଜର ମୂଳ ଦେଶ ଶ୍ରୀଲଙ୍କା ବାବଦରେ ନିଜ ଦୁଃଖ ବଖାଣିଛନ୍ତି।

ଜ୍ୟାକଲିନ ଲେଖିଛନ୍ତି, ମୋ ଦେଶବାସୀ କ’ଣ କରୁଛନ୍ତି ତାହା ମୁଁ ଦେଖିପାରୁନି । ଯାହା ଘଟୁଛି ତାହା ମନକୁ ବହୁତ କଷ୍ଟ ଦେଉଛି। ଯେବେଠୁ ଏହି ଘଟଣାକ୍ରମ ଆରମ୍ଭ ହେଉଛି ଅନେକ ମତାମତ ଆସୁଛି । ଏବେ କିନ୍ତୁ ମୋ ମତରେ କୌଣସି ରାୟ ଦେବା ଉଚିତ୍ ନୁହେଁ। ଏହା ବ୍ୟତୀତ, କୌଣସି ଗୋଷ୍ଠୀକୁ ବଦନାମ କରିବା ଭଳି ଦେଖାଯିବା ଉଚିତ ନୁହେଁ। ଜ୍ୟାକଲିନ ଟ୍ୱିଟ ସହିତ ଏକ ଫଟୋ ମଧ୍ୟ ପୋଷ୍ଟ କରିଛନ୍ତି। ଏଥିରେ ଶ୍ରୀଲଙ୍କାର ପତାକା ଅନେକ ଲୋକଙ୍କ ହାତରେ ରହିଛି। ଶ୍ରୀଲଙ୍କା ଭାଷାରେ ଏହାର ଅର୍ଥ ଏକାଠି ବୋଲି ଲେଖାଯାଇଛି।

As a Srilankan, it is heartbreaking to see what my country and countrymen are going through.

I have been flooded with a lot of opinions since this began from around the world. I would say, do not be too quick to pass a judgement and vilify any group based on what is shown. pic.twitter.com/7GXbkXOoBP

— Jacqueline Fernandez (@Asli_Jacqueline) April 4, 2022

୨୦୦୬ରେ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ମିସ୍ ଶ୍ରୀଲଙ୍କା ୟୁନିଭର୍ସ ହୋଇଥିଲେ। ଜ୍ୟାକଲିନଙ୍କ ବାପା ଶ୍ରୀଲଙ୍କାରେ ଜଣେ ସଂଗୀତଜ୍ଞ। ଏଥି ସହିତ, ତାଙ୍କ ମା ମାଲେସିଆର। ଜ୍ୟାକଲିନଙ୍କ ମା ଜଣେ ଏୟାରହୋଷ୍ଟେସ୍ ଥିଲେ। ସେ ସିଡନୀ ବିଶ୍ୱବିଦ୍ୟାଳୟରୁ ମାସ କମ୍ୟୁନିକେସନ୍ ପାଠ ପଢ଼ିଥିଲେ। ସେ ଶ୍ରୀଲଙ୍କାରେ ଟିଭି ସାମ୍ବାଦିକ ଭାବରେ ମଧ୍ୟ କାମ କରିଛନ୍ତି। ୨୦୦୯ରେ ସେ ଅମିତାଭ ବଚ୍ଚନ ଏବଂ ରିତେଶ ଦେଶମୁଖଙ୍କ ଫିଲ୍ମ ଆଲାଦ୍ଦିନରୁ କ୍ୟାରିୟର ଆରମ୍ଭ କରିଥିଲେ।

ଉଲ୍ଲେଖଯୋଗ୍ୟ, ଶ୍ରୀଲଙ୍କା ଏବେ ସବୁଠାରୁ ଖରାପ ପର୍ଯ୍ୟାୟ ଦେଇ ଗତି କରୁଛି। କରୋନା ମହାମାରୀ ହେତୁ ପଡୋଶୀ ଦେଶର ପର୍ଯ୍ୟଟନ କ୍ଷେତ୍ର ବହୁ ପ୍ରଭାବିତ ହୋଇଥିଲା। ଏହି କାରଣରୁ ବୈଦେଶିକ ମୁଦ୍ରା ଅଭାବ ପରେ ଦେଶର ଅବସ୍ଥା ବିଗିଡି ଯାଇଥିଲା। ଶ୍ରୀଲଙ୍କାର ସେଣ୍ଟ୍ରାଲ ବ୍ୟାଙ୍କ ଗଭର୍ଣ୍ଣର ଅଜିତ ନିଭାର୍ଡ କ୍ୟାବ୍ରାଲ ତାଙ୍କ ଇସ୍ତଫା ପତ୍ର ଦାଖଲ କରିଛନ୍ତି। ସରକାର ଯାହା କରୁଛନ୍ତି ତାକୁ ନେଇ ଲୋକମାନେ ସନ୍ତୁଷ୍ଟ ନୁହଁନ୍ତି। ଏଭଳି ପରିସ୍ଥିତିରେ ରାଜଧାନୀ କଲମ୍ବୋରେ ବ୍ୟାପକ ବିରୋଧ ପରେ ଶନିବାରଠୁ ତିନି ଦିନିଆ କର୍ଫ୍ୟୁ ଲାଗୁ ହୋଇଥିଲା। ଏହାପୂର୍ବରୁ ଶୁକ୍ରବାର ରାତିରେ ରାଷ୍ଟ୍ରପତି ଦେଶବ୍ୟାପୀ ଜରୁରୀକାଳୀନ ପରିସ୍ଥିତି ଘୋଷଣା କରିଥିଲେ।