ନୀତିଶ-ଶାହା କ୍ୟାମ୍ପେନ୍ ଫେଲ୍‌, ବୁରାଡିରେ ବିଜେପି-ଜେଡିୟୁ ପ୍ରାର୍ଥୀ ଚିତ୍‌ପଟାଙ୍ଗ

ନୂଆଦିଲ୍ଳୀ: ବୁରାଡିରେ ବିଜେପି-ଜେଡିୟୁ ମେଣ୍ଟର ବଡ ହାର । କେଜରିୱାଲଙ୍କ କ୍ରେଜ ଆଗରେ ଫେଲ୍ ମାରିଲା ନୀତିଶ-ଶାହାଙ୍କ ବଡ କ୍ୟାମ୍ପେନ୍ । ବିପୁଳ ବ୍ୟବଧାନରେ ବିଜୟୀ ହୋଇଛନ୍ତି ଆପ୍ ପ୍ରାର୍ଥୀ ସଞ୍ଜୀବ ଝା । ରେକର୍ଡ ମାର୍ଜିନରେ ଜେଡିୟୁ ପ୍ରାର୍ଥୀ ଶୈଳେନ୍ଦ୍ର କୁମାରଙ୍କୁ ସେ ମାତ ଦେଇଛନ୍ତି । ୮୮ ହଜାର ୧୫୮ ଖଣ୍ଡ ଭୋଟ ବ୍ୟବଧାନରେ ଜେଡିୟୁ ପ୍ରାର୍ଥୀଙ୍କୁ ହରାଇଛି ଆପ୍ । ଏଥର ଦିଲ୍ଲୀ ବିଧାନସଭା ନିର୍ବାଚନରେ ସବୁଠୁ ବଡ ବିଜୟ ବ୍ୟବଧାନରେ ଇତିହାସ ସୃଷ୍ଟି ହୋଇଛି । ଫଳାଫଳ ପରେ ଚର୍ଚ୍ଚା ହେଉଛି, ବୁରାଡିରେ କେଜରିୱାଲଙ୍କ କରିସ୍ମା ଆଗରେ କାମ ଦେଲାନି ନୀତିଶ-ଶାହଙ୍କ ଯୁଗଳବନ୍ଦୀଙ୍କ ହାଇଭୋଲଟେଜ୍ କ୍ୟାମ୍ପେନ୍ । ବୁରାଡି ଆସନ ହାତେଇବାକୁ ପୂରା କଳବଳ ଲଗାଇ ଦେଇଥିଲେ ଜେଡିୟୁ ଓ ବିଜେପି । ଜେଡିୟୁ ପ୍ରାର୍ଥୀ ଶୈଳେନ୍ଦ୍ର କୁମାରଙ୍କ ପାଇଁ ୨ତାରିଖରେ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତିଶ କୁମାର ଭୋଟ ମାଗିଥିବା ବେଳେ ଗୃହମନ୍ତ୍ରୀ ଅମିତ ଶାହ ବିଶାଳ ରାଲିରେ ବୁରାଡି ଭୋଟରଙ୍କ ଜନସମର୍ଥନ ମାଗିଥିଲେ ।