କଥାରେ ଅଛି କ୍ରୋଧ ମଣିଷର ବଡ଼ ଶତ୍ରୁ । ରାଗିଥିବା ସମୟରେ ମଣିଷ ତାର ବୁଦ୍ଧି, ବିବେକକୁ ହରାଇ ବସିଥାଏ । ବ୍ରିଟେନର ଜଣେ ରୋଷେୟା ତାଙ୍କ କ୍ରୋଧକୁ ନିୟନ୍ତ୍ରଣ କରି ନ ଏମିତି କିଛି କାରନାମା କରିଛନ୍ତି ଯେଉଁଥିପାଇଁ ତାଙ୍କୁ ୧୭ ମାସ ଜେଲ ଦଣ୍ଡ ଭୋଗିବାକୁ ପଡ଼ିଛି । ଏଭଳି ଏକ ରୋଚକ ଘଟଣା ଘଟିଛି ବ୍ରିଟେନରେ ।
ଟୋନି ୱିଲିୟମ୍ସ ନାମକ ଜଣେ ବ୍ୟକ୍ତି ବିଟ୍ରେନର ରୟାଲ୍ ୱିଲିୟମ୍ ଏକ ପବ୍ରେ ରୋଷେୟା ଭାବେ କାମ କରନ୍ତି । ପବ୍ର ମାଲିକ ତାଙ୍କୁ ତାଙ୍କର ମାସିକ ପାରିଶ୍ରମିକ ଦେବାରେ ଅବହେଳା କରିଥିଲେ । ସେ ବାରମ୍ବାର ଅନୁରୋଧ କରୁଥିଲେ ମଧ୍ୟ ମାଲିକ ଠିକ୍ ସମୟରେ ତାଙ୍କର ପାରିଶ୍ରମିକ ଦେଉ ନ ଥିଲେ । ଏହାକୁ ନେଇ ଦିନେ ଉଭୟଙ୍କ ମଧ୍ୟରେ ପାଟିତୁଣ୍ଡ ହେଲା । ଶେଷରେ ଟୋନି ରାଗି ଯାଇ ଚାକିରି ଛାଡ଼ି ଦେଲେ । ହେଲେ ନିଜର କ୍ରୋଧ ଶାନ୍ତ କରିବା ପାଇଁ ଆସିବା ପୂର୍ବରୁ ରୋଷେଇ ଘରେ କିଛି ବିଷାକ୍ତ ଅସରପା ଛାଡ଼ି ଦେଇ ଚାଲି ଆସିଥିଲେ । ପବ୍ କର୍ମଚାରୀ ଏହା ଜାଣିପାରି ସଙ୍ଗେ ସଙ୍ଗେ କୀଟନାଶକ ପକାଇ ରୋଷେଇ ଘରକୁ ସଫା କରିଥିଲେ । ଏପରି କାର୍ଯ୍ୟ ରୋଷେଇ ଟୋନିଙ୍କର ହୋଇଥିବା ସନ୍ଦେହ କରିବା ସହ ସିସିଟିଭି ଯାଞ୍ଚ କରିଥିଲେ । ସିସିଟିଭି କ୍ୟାମରୋରେ ଟୋନି ଅସରପା ରୋଷେଇ ଘରେ ଛାଡ଼ିଥିବା ପ୍ରମାଣ ମଧ୍ୟ ମିଳିଥିଲା । ପରେ ଏହି ଘଟଣା ଥାନାରେ ପହଞ୍ôଚଲା । ପୋଲିସ ଟୋନିଙ୍କୁ ଗିରଫ କରି କୋର୍ଟ ଚାଲାଣ ମଧ୍ୟ କଲା । ଶେଷରେ ଟୋନିଙ୍କୁ ୧୭ ମାସ ଜେଲ ଦଣ୍ଡ ଭୋଗିବାକୁ କୋର୍ଟ ରାୟ ଦେଇଥିଲେ । ସାଧାରଣତଃ ଏହି ଅସରପାକୁ ସାପର ଖାଦ୍ୟ ଭାବେ ବ୍ୟବହାର କରାଯାଇଥାଏ ।
Comments are closed.