ଶିବରାଜଙ୍କୁ ଭେଟିଲେ କମଲନାଥ, କରୋନା ମୁକାବିଲା ନେଇ ଆଲୋଚନା

ଭୋପାଳ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଶିବରାଜ ସିଂହ ଚୌହ୍ୱାଣ। ଦାୟିତ୍ୱ ଗ୍ରହଣର କିଛି ଘଣ୍ଟା ଭିତରେ ତାଙ୍କୁ ଭେଟିଛନ୍ତି ପୂର୍ବତନ ମୁଖ୍ୟମନ୍ତ୍ରୀ କମଲନାଥ । ଆଜି ଦୁଇ ନେତା ସାକ୍ଷାତ ଆଲୋଚନା କରିଛନ୍ତି । ଶିବରାଜଙ୍କୁ ଶୁଭେଚ୍ଛା ଜଣାଇଛନ୍ତି କମଲନାଥ । ଏହାସହ କରୋନା ମୁକାବିଲା ନେଇ ଦୁହେଁ ଆଲୋଚନା କରିଥିବା ସୂଚନା ମିଳିଛି ।
ମଧ୍ୟପ୍ରଦେଶରେ କଂଗ୍ରେସ ସରକାର ଭାଙ୍ଗିଥିଲା । ୧୫ ମାସ ନିର୍ବାସନ ପରେ ପୁଣି ଥରେ କ୍ଷମତାକରୁ ଫେରିଛି ବିଜେପି । ଶିବରାଜ ସିଂହ ଚୌହ୍ୱାଣ ଚତୁର୍ଥ ଥର ମଧ୍ୟପ୍ରଦେଶ ଶାସନ ଭାର ସମ୍ଭାଳିଛନ୍ତି । କରୋନା ଭାଇରସକୁ ନେଇ ନେଇ ସାରା ଦେଶ ଲକଡାଉନ୍ ହୋଇଥିବା ବେଳେ ଏଭଳି ସମୟରେ ଶିବରାଜ ସିଂହ ଚୌହ୍ୱାନଙ୍କ ଆଗରେ ବି ଚ୍ୟାଲେଞ୍ଜ । ରାଜନୀତିରୁ ଉର୍ଦ୍ଧ୍ୱରେ ରହି ଦଳମତ ନିର୍ବିଶେଷରେ କିଭଳି କାମ କରିବେ ସେନେଇ ଶିବରାଜ ଓ କମଲନାଥ ଆଲୋଚନା କରିଥିବା ସୂଚନା ମିଳିଛି ।