ନୂଆଦିଲ୍ଲୀ: ବହୁତ କମ୍ ରାଜନେତା ଅଛନ୍ତି ଯେଉଁମାନେ ଇନ୍ଦିରାଙ୍କ ପରି ରାତିକନୈତିକ ଇଚ୍ଛାଶକ୍ତି ଏବଂ ଲୋକପ୍ରିୟତା ହାସଲ କରିଛନ୍ତି। ଏବେ ରାଜନୀତିର ଏହି ଶକ୍ତିଶାଳୀ ଚରିତ୍ରକୁ ବଡ଼ ପରଦାରେ ଦେଖିବାକୁ ମିଳିବ, ଯାହାକୁ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ଅଭିନୟ କରିବେ। ଶୁକ୍ରବାର ଦିନ କଙ୍ଗନା ନିଜର ରାଜନୈତିକ ଡ୍ରାମା ଫିଲ୍ମକୁ ନେଇ ଘୋଷଣା କରିଛନ୍ତି।
ଫିଲ୍ମର ଟାଇଟଲ୍ ଏପର୍ଯ୍ୟନ୍ତ ସ୍ଥିର ହୋଇନାହିଁ। କଙ୍ଗନା ଦ୍ବାରା ପ୍ରକାଶିତ ସୂଚନା ଅନୁଯାୟୀ ଏହି ପ୍ରକଳ୍ପ ଶେଷ ପର୍ଯ୍ୟାୟରେ ଅଛି। ଏହା ଇନ୍ଦିରାଙ୍କ ବାୟୋପିକ୍ ଫିଲ୍ମ ହେବ ନାହିଁ। ଏକ ପିରିୟଡ୍ ଫିଲ୍ମ ଅଛି, ଯାହା ମାଧ୍ୟମରେ ଦେଶର ସାମାଜିକ ତଥା ରାଜନୈତିକ ଦୃଶ୍ୟ ଉପରେ ମନ୍ତବ୍ୟ ଦିଆଯିବ। ଏହି ଚଳଚ୍ଚିତ୍ରରେ ଅନେକ ଭେଟେରାନ୍ ଅଭିନେତାଙ୍କ ଅଭିନୟ ଦେଖିବାକୁ ମିଳିବ।
କଙ୍ଗନା କହିଛନ୍ତି ଯେ ଭାରତୀୟ ରାଜନୈତିକ ଇତିହାସର ପ୍ରତୀକାତ୍ମକ ନେତା ଭୂମିକାରେ ଅଭିନୟ କରିବାକୁ ସେ ବହୁତ ଉତ୍ସାହିତ ଅଛନ୍ତି। ସେ କହିଛନ୍ତି ଯେ ଏହି ଫିଲ୍ମ ଏକ ପୁସ୍ତକ ଉପରେ ଆଧାରିତ। ତେବେ ପୁସ୍ତକ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ। ଏହି ଚଳଚ୍ଚିତ୍ରରେ ଇନ୍ଦିରା ଗାନ୍ଧୀଙ୍କ ଜରୁରୀକାଳୀନ କାର୍ଯ୍ୟ ଏବଂ ଅପରେସନ୍ ବ୍ଲୁଷ୍ଟାରର ଦୁଇଟି ପ୍ରମୁଖ ନିଷ୍ପତ୍ତି ଆଲୋକିତ ହେବ।
କଙ୍ଗନା ଏହି ସୂଚନା ଟ୍ୱିଟରରେ ସେୟାର କରିଛନ୍ତି ଏବଂ ଇନ୍ଦିରା ଗାନ୍ଧୀଙ୍କ ଚିତ୍ର ସେୟାର କରିଛନ୍ତି। କଙ୍ଗନା ଇନ୍ଦିରାଙ୍କ ଲୁକରେ ତାଙ୍କର ଏକ ପୁରୁଣା ଫଟୋ ସେୟାର କରି କହିଛନ୍ତି ଯେ ଏହା ହେଉଛି ତାଙ୍କର ପୁରୁଣା ଫଟୋସୁଟ୍। ସେ ଜାଣି ନଥିଲେ ଯେ ଦିନେ ସେ ଏହି ମହାନ ଚରିତ୍ରରେ ସେ ଅଭିନୟ କରିବେ।