ମୁମ୍ବାଇ: ଇନ୍ଷ୍ଟାଗ୍ରମରେ ଭିଡିଓ ଶେୟାର କଲେ ବଲିଉଡ ଅଭିନେତ୍ରୀ କଙ୍ଗନା ରଣାୱତ୍ । ଭଉଣୀ ରଙ୍ଗୋଲିଙ୍କ ବିବାଦୀୟ ଟୁଇଟ୍ ପରେ ଟୁଇଟର ତାଙ୍କ ଆକାଉଣ୍ଟକୁ ସସ୍ପେଣ୍ଡ କରିଥିଲା । ଏ ନେଇ ଟୁଇଟରକୁ ବନ୍ଦ କରିବା ଲାଗି କଙ୍ଗନା ଭାରତ ସରକାରଙ୍କୁ ଅନୁରୋଧ କରିଛନ୍ତି ।
View this post on Instagram
ଏକ ଟୁଇଟରେ ରଙ୍ଗୋଲି ପୋଲିସ ଓ ଡାକ୍ତରଙ୍କ ଉପରେ ଜମାତିଙ୍କ ଆକ୍ରମଣକୁ ବିରୋଧ କରିବା ସହ କିଛି ବିବାଦୀୟ ଶବ୍ଦ ଲେଖିଥିଲେ । ଏହା ପରେ ସୋସିଆଲ ମିଡିଆରେ ରଙ୍ଗୋଲିଙ୍କୁ ବିରୋଧ କରାଯାଇଥିଲା । ଏପରିକି ତାଙ୍କ ଟୁଇଟର ଆକାଉଣ୍ଟକୁ ବି ସସପେଣ୍ଡ କରାଯାଇଥିଲା ।
ଭିଡିଓରେ କଙ୍ଗନା ଫରାହ ଖାନ ଅଲ୍ଲି ଓ ରିମା କାଗ୍ତିଙ୍କ ଅଭିଯୋଗକୁ ମିଥ୍ୟା କହିଥିଲାବେଳେ ତାଙ୍କ ଭଉଣୀଙ୍କ ବିବାଦୀୟ ମନ୍ତବ୍ୟର ସଫେଇ ଦେଇଛନ୍ତି । ତା ଛଡା ଟୁଇଟରକୁ ଭାରତରେ ବନ୍ଦ କରିବାକୁ ସେ ସରକାରଙ୍କୁ ଅନୁରୋଧ କରିଛନ୍ତି ।
କଙ୍ଗନା କହିଥିଲେ ଭାରତର ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଓ RSS ଭଳି ସଙ୍ଗଠନକୁ ଆତଙ୍କବାଦୀ କହିବାକୁ ଟୁଇଟର୍ ଅନୁମତି ଦେଉଛି, ହେଲେ ଆତଙ୍କବାଦୀଙ୍କୁ ଆତଙ୍କବାଦୀ କହିବାକୁ ଅନୁମତି ଦେଉନି ।
ଶେଷରେ ସେ ବବିତା ଫୋଗଟଙ୍କ ସୁରକ୍ଷା ଲାଗି ମଧ୍ୟ ଅନୁରୋଧ କରିଛନ୍ତି । ତାବଲିଗି ଜମାତ୍ ଘଟଣାରେ ବବିତା ଖୋଲାଖୋଲି ସମାଲୋଚନା କରିବା ପରେ ତାଙ୍କୁ କ୍ରମାଗତ ହତ୍ୟା ଧମକ ମିଳୁଛି ।