ବେଙ୍ଗାଲୁରୁ: ଡ. ଶିବମୂର୍ତ୍ତୀ ମୁରୁଗା ଶରଣରୁ ଗିରଫ । ଯୌନ ଶୋଷଣ ମାମଲାରେ ଗିରଫ ହୋଇଛନ୍ତି ଚିତ୍ରଦୂର୍ଗା ଜିଲ୍ଲାରେ ଥିବା ପ୍ରସିଦ୍ଧ ଲିଙ୍ଗାୟତ ଶୈବ ମଠ ମୁରୁଗାର ମହନ୍ତ। ଗିରଫ ପୂର୍ବରୁ ତାଙ୍କ ବିରୋଧରେ ଲୁକଆଉଟ୍ ନୋଟିସ ଜାରି ହୋଇଥିଲା । ନାବାଳିକାଙ୍କ ସମେତ ଅନେକ ପୀଡ଼ିତାଙ୍କ ସହିତ ଯୌନ ଶୋଷଣର ଅଭିଯୋଗ ରହିଥିଲା ଏହି ତଥାକଥିତ ମହନ୍ତଙ୍କ ନାଁରେ ।
ଦୁଇ ନାବାଳିକାଙ୍କ ଅଭିଯୋଗ ଆଧାରରେ ମିସୁରୁ ନଗର ପୋଲିସ ମାମଲା ରୁଜୁ କରିଛି। ଅଭିଯୋଗ ଅନୁଯାୟୀ, ଦୁଇ ଝିଅ (ବୟସ ୧୫ ଏବଂ ୧୬ ବର୍ଷ)ଙ୍କ ସହ ତିନି ବର୍ଷ ଧରି ବଳାତ୍କାର କରିଥିବା ଅଭିଯୋଗ ରହିଛି। ଏହା ଏକ ନାବାଳିକ ମାମଲା ଥିବାରୁ ପୁଲିସ ପକସୋ ଆଇନ୍ ଅନୁଯାୟୀ ଗିରଫ କରିଛି ।
Karnataka | Shivamurthy Murugha Sharanaru, the chief pontiff of Sri Murugha Mutt, being taken to Chitradurga from Challakere town.
Police arrested him on the charges of sexually assaulting minors. pic.twitter.com/9TG8Qbn3HZ
— ANI (@ANI) September 1, 2022
ପୀଡିତା ୨୪ ଜୁଲାଇରେ ହଷ୍ଟେଲ ଛାଡି ୨୫ ଜୁଲାଇରେ କାଟନପେଟ ପୋଲିସ ଷ୍ଟେସନ ପହଞ୍ଚିଥିଲେ। ଏହାପରେ ଅଗଷ୍ଟ ୨୬ ରେ, ନାଜରବାଦ ପୋଲିସ ଷ୍ଟେସନରେ ଏହି ମହନ୍ତଙ୍କ ବିରୋଧରେ ଏକ ଏଫଆଇଆର ଦେଇଥିଲେ। ତେବେ ଗିରଫ ପରେ ମୁରୁଗାର କହିଛନ୍ତି ଯେ ତାଙ୍କୁ ଏକ ଷଡଯନ୍ତ୍ରରେ ସମ୍ପୃକ୍ତ କରାଯାଇଛି ଏବଂ ଏହା ପଛରେ କିଛି ଅନ୍ତର୍ନିହିତ ବ୍ୟକ୍ତି ଅଛନ୍ତି। ଏହି ମାମଲାରେ କିଛି ଦିନ ପରେ ସତ ସାମ୍ନାକୁ ଆସିବ ବୋଲି ମଧ୍ୟ ସେ ଦାବି କରିଛନ୍ତି।
ମହନ୍ତ ସୋମବାର ଜାମିନ ପାଇଁ ଆବେଦନ କରିଥିଲେ। କିନ୍ତୁ ମଙ୍ଗଳବାର ଦିନ ଏସସି / ଏସଟି (ପ୍ରିଭେନସନ୍ ଅଫ୍ ଆଟ୍ରୋସିଟିସ୍) ଅଧିନିୟମ ଅନୁଯାୟୀ ତାଙ୍କ ବିରୋଧରେ ଅତିରିକ୍ତ ଅଭିଯୋଗ ମଧ୍ୟ ଯୋଡା ହୋଇଥିଲା। ପୀଡିତଙ୍କ ମଧ୍ୟରୁ ଜଣେ ଅନୁସୂଚିତ ଜାତିର। ମହନ୍ତଙ୍କ ବ୍ୟତୀତ ମଠର ଏକ ହଷ୍ଟେଲରେ ଥିବା ଜଣେ ୱାର୍ଡେନଙ୍କ ସମେତ ଏହି ଘଟଣାରେ ଆଉ ପାଞ୍ଚ ଜଣ ବ୍ୟକ୍ତିଙ୍କ ବିରୋଧରେ ଅଭିଯୋଗ ହୋଇଛି।