ତେଲେଙ୍ଗାନା: ଘରୁ ବାହାରିଲେ ଗୁଳି । କଟକଣା ନମାନିଲେ ସୁଟ୍ ଆଟ୍ ସାଇଟ୍ । ଏଭଳି କଡା ନିର୍ଦ୍ଦେଶ ଦେଇଛନ୍ତି ତେଲେଙ୍ଗାନା ସରକାର । ଲକ ଡାଉନ ନିୟମ ଉଲ୍ଲଂଘନ କଲେ ଆଉ ତ୍ରାହି ନାହିଁ । ଯେଉଁ ବ୍ୟକ୍ତି ନିୟମ ଉଲ୍ଲଂଘନ କରିବେ ସେମାନଙ୍କୁ ଦେଖିଲା ମାତ୍ରେ ଗୁଳି କରିବାକୁ ନିର୍ଦ୍ଦେଶ ଦେଇଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ର ଶେଖର ରାଓ । 
କରୋନା ସଂକ୍ରମଣ ସଂଖ୍ୟା ଦେଶରେ ଦିନକୁ ଦିନ ବଢ଼ିବାକୁ ଲାଗିଛି । ସୁରକ୍ଷା ପାଇଁ ଗତକାଲି ମଧ୍ୟରାତ୍ରିରୁ ପୁରା ଭାରତକୁ ତାଲା ବନ୍ଦ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ତେବେ ବନ୍ଦ ସତ୍ତ୍ୱେ ଏବେବି ଲୋକେ ଏହି ନିୟମକୁ ଖୋଲାଖୋଲି ଉଲ୍ଲଂଘନ କରୁଛନ୍ତି । ବାଇକ ଓ କାର୍ ଧରି ରୋଡ୍ ଉପରେ ଏଣେ ତେଣ ବୁଲିଛନ୍ତି ।
ଏଭଳି ନିୟମ ଖିଲାପକାରୀଙ୍କୁ ସାବାଡ କରିବା ପାଇଁ କଡ଼ା ନିଷ୍ପତି ନେଇଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ । ଲକ୍ ସମୟରେ ଯେଉଁମାନେ ନିୟମକୁ ଉଲଂଘନ କରୁଛନ୍ତି ତାଙ୍କୁ ଗୁଳି କରିବାକୁ ନିର୍ଦ୍ଦେଶ ଦେଇଛନ୍ତି । ଆବଶ୍ୟକ ପଡ଼ିଲେ କେନ୍ଦ୍ରରୁ ସେନା ମଗାଯିବା କଥା ମଧ୍ୟ କହିଛନ୍ତି କେସିଆର । କରୋନା ରୋକିବା ପାଇଁ ଲୋକଙ୍କୁ ଘରେ ରହିବାକୁ ସେ ନିବେଦନ କରିଛନ୍ତି ।
Comments are closed.