କାନାଡାରେ ଖଲିସ୍ଥାନୀ ନେତାଙ୍କୁ ଗୁଳିକରି ହତ୍ୟା; ତାଙ୍କ ନାଁରେ ୧୦ ଲକ୍ଷ ପୁରସ୍କାର ଘୋଷଣା କରାଯାଇଥିଲା ଏନଆଇଏ

ନୂଆଦିଲ୍ଲୀ:କାନାଡାରେ ରହୁଥିବା ଖଲିସ୍ଥାନୀ ନେତା ତଥା ଭାରତ ସରକାରଙ୍କ ପକ୍ଷରୁ ଆତଙ୍କବାଦୀ ଘୋଷିତ ମୋଷ୍ଟୱାଣ୍ଟେଡ୍   ହରଦୀପ ସିଂ ନିଜାରଙ୍କୁ ଗୁଳି କରି ହତ୍ୟା  ।  ବ୍ରିଟିଶ କଲମ୍ବିଆ ପ୍ରଦେଶର  ସୁରେ ସହରସ୍ଥିତ ଗୁରୁଦ୍ୱାର ନିକଟ ପାର୍କିଂସ୍ଥଳରେ  ହରଦୀପ ସିଂ ନିଜାରଙ୍କୁ ଗୁଳି କରି ହତ୍ୟା କରାଯାଇଥିଲା। ନିଜାର ସୁରେ ସ୍ଥିତ ଏହି ଗୁରୁ ନାନକ ଶିଖ ଗୁରୁଦ୍ୱାରର ସଭାପତି ଥିଲେ।  ଭାରତ ସରକାରଙ୍କ ପକ୍ଷରୁ କଳା ତାଲିକାଭୁକ୍ତ ଘୋଷଣା କରଯାଇଥିବା ବିଚ୍ଛିନ୍ନତାବାଦୀ ସଂଗଠନ ଶିଖସ୍ ଫର ଜଷ୍ଟିସ (SFJ)  ସହିତ ତାଙ୍କର ସଂପୃକ୍ତି ଥିଲା ।

ହରଦୀପଙ୍କୁ ଭାରତ ସରକାଙ୍କ ପକ୍ଷରୁୂ ୱାଣ୍ଟେଡ ଆତଙ୍କବାଦୀ ଘୋଷଣା କରାଯାଇଛି । ଭାରତ ପକ୍ଷରୁ ପ୍ରକାଶିତ ୪୦ ଆତଙ୍କୀ ତାଲକାରେ ମଧ୍ୟ ହରଦୀପଙ୍କ ନାଁ ରହିଛି । ମିଳିଥିବା ସୂଚନା ଅନୁଯାୟୀ,    ନିଜାରଙ୍କୁ ଗୁଳି କରି ହତ୍ୟା କରାଯାଇଥିବା ବେଳେ ତାଙ୍କ ସହ ଆଉ ଦୁଇ ଜଣ ଥିଲେ।  ତେବେ ସେମାନେ କିଏ ଏବଂ କାହିଁକି ହରଦୀପଙ୍କୁ ହତ୍ୟା କରାଗଲା ସେ ନେଇ  ତଦନ୍ତକାରୀ ଟିମ ଅନୁସନ୍ଧାନ ଜାରି ରଖିଛନ୍ତି ।