ଭୁବନେଶ୍ୱର: ନୂଆଦିଲ୍ଲୀଠାରେ ଆଗାମୀ ୧୩ ତାରିଖଠାରୁ ୧୯ ତାରିଖ ପର୍ୟ୍ୟନ୍ତ ପ୍ରଥମ ଖୋଖୋ ବିଶ୍ବକପ୍ ଆୟୋଜିତ ହେବ। ଖୋଖୋ ଫେଡେରେସନ ଅଫ୍ ଇଣ୍ଡିଆ ପକ୍ଷରୁ ବିଶ୍ବକପ୍ ଲାଗି ଗୁରୁବାର ଦିନ ଉଭୟ ଭାରତୀୟ ମହିଳା ଓ ପୁରୁଷ ଦଳ ଘୋଷଣା କରାଯାଇଛି। ତେବେ ଭାରତୀୟ ଦଳରେ ଓଡିଶାରୁ ୩ ଖେଳାଳି ସ୍ଥାନ ପାଇଛନ୍ତି ।
ପୁରୁଷ ଦଳରେ ପବନି ଶବର (ଗଜପତି), ମହିଳା ଦଳରେ ଦୁଇ ଖେଳାଳି ଶୁଭଶ୍ରୀ ସିଂହ (ବାଲେଶ୍ବର)ଓ ମାଗାଇ ମାଝି (ରାୟଗଡ)ରହିଛନ୍ତି । ଉକ୍ତ ତିନି ଖେଳାଳି କିସ୍ ରେ ଅଧ୍ୟୟନ କରୁଛନ୍ତି । ଏହି ୩ଜଣଙ୍କ ପାଖରେ ଜାତୀୟସ୍ତରୀୟ ପ୍ରତିଯୋଗିତାରେ ଯଥେଷ୍ଟ ଅନୁଭୂତି ରହିଛି ।
ବିଶ୍ବକପ ଭାରତୀୟ ପୁରୁଷ ଓ ମହିଳା ଦଳରେ ଅଧିନାୟକ କ୍ରମାଗତ ଭାବେ ପ୍ରତୀକ ଓ୍ବାଇକର ଓ ପ୍ରିୟଙ୍କା ଇଙ୍ଗଲେ ରହିବେ ।
ଏହି ଖୋଖୋ ବିଶ୍ବକପର ପ୍ରଥମ ସଂସ୍କରଣରେ ୨୦ଟି ପୁରୁଷ ଓ ୧୯ଟି ମହିଳା ଦଳ ଅଂଶଗ୍ରହଣ କରିବେ ।