ଖୋର୍ଦ୍ଧା : ଚୋରା ମଦ ଜବତ କରିବା ପାଇଁ ଯାଇଥିବା ବାଲିପାଟଣା ପୋଲିସକୁ ମାଡ । ପୋଲିସକୁ ବିରୋଧ କରି ନିମାପଡ଼ା- ଅଠାନ୍ତର ରାସ୍ତାର ନରଦା ଛକରେ ନିଆଁ ଜାଳି ରାସ୍ତାରୋକ । ଚୋରାରେ ମଦ ବିକ୍ରି ହେଉଛି ଖବର ପାଇ ଘଟଣାସ୍ଥଳରେ ପହଞ୍ଚି ମଦ ଜବତ କରିବା ମାତ୍ରେ, ପୋଲିସକୁ ଘେରି ମାଡ ମାରିବା ସହ ମଦ ଛଡାଇ ନେଇଛନ୍ତି ଚୋରା ମଦ ବେପାରୀ ।
ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ନରଦା ବଜାରରେ । ରବିବାର ରାତିରେ ବାଲିପାଟଣା ପୋଲିସ୍ ଚୋରାରେ ମଦ ବିକ୍ରି ହେଉଥିବା ଖବର ପାଇ ଦରଦା ବଜାରରେ ପହଞ୍ଚି ଥିଲା । ମଦ ଜବତ ସମୟରେ ପୋଲିସକୁ ବିରୋଧ ସହ ମାଡ ମରାଯାଇଥିବା ଭିଡିଓରୁ ଜଣାପଡିଛି । ବାଲିପାଟଣା ପୋଲିସ୍ ଜବତ କରିଥିବା ମଦ ଛଡାଇନେଇଥିବା ଥାନା ଆଇଆଇସି କହିଛନ୍ତି।
ସେପଟେ ମଦ ଜବତକୁ ବିରୋଧ କରି ଆଜି ସକାଳୁ ଚୋରା ମଦ ବେପାରୀ ଓ କିଛି ସ୍ଥାନୀୟ ଲୋକେ ନିମାପଡ଼ା – ଅଠାନ୍ତର ରାସ୍ତାର ନରଦା ଛକ ଠାରେ ଟାୟାର ଜାଳି ରାସ୍ତାରୋକ କରିଛନ୍ତି ।
ସେପଟେ ଏହି ଘଟଣାରେ ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି।