କୋରାପୁଟ: ଖେଳୁଥିବା ବେଳେ ଅଘଟଣ । ଚାଲିଗଲା ୨ ଜୀବନ । କୋରାପୁଟ ଜିଲ୍ଲା ଲକ୍ଷ୍ମୀପୁର ଥାନା ପିପଳପଦର ପଞ୍ଚାୟତ କେବିଡି ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି । ଗାଁର ଚାଷ ଜମିରେ ଥିବା ପୋଖରି ନିକଟରେ ୩ଜଣ ପିଲା ଖେଳୁଥିବା ବେଳେ ହଠାତ୍ ପୋଖରିରେ ପଡ଼ି ଯାଇଥିଲେ ।
ଜମିରେ କାମ କରୁଥିବା ଲୋକମାନେ ସଙ୍ଗେ ସଙ୍ଗେ ଜଣଙ୍କୁ ଉଦ୍ଦାର କରିଥିଲେ । ଆଉ ୨ ଛୁଆଙ୍କୁ ଉଦ୍ଧାର କରି ନପାରି ଦମକଳ ବାହିନୀକୁ ଖବର ଦେଇଥିଲେ । ପୋଲିସ ଓ ଦମକଳ ବାହିନୀ ପହଞ୍ଚି ଅନ୍ୟ ୨ ଜଣଙ୍କ ମୃତଦେହ ଉଦ୍ଧାର କରିଛନ୍ତି । ମୃତଦେହ ବ୍ୟବଚ୍ଛେଦ ପାଇଁ ପଠା ଯାଇଥିବା ବେଳେ ଗାଁରେ ଶୋକର ଛାୟା ଖେଳି ଯାଇଛି ।
Comments are closed.