ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ ‘ଭାଷା ଭାଗବତ’
ନାନା ଲୋକଂକ ନାନା ମତ
କେଉଁଟି ମିଛ ଅବା ସତ
ନ ଜାଣେ ଯେଣୁ ଶ୍ରୋତା ଚିତ୍ତ
କିଛି ହୁଏନି ପ୍ରତିଷ୍ଠିତ
ଅଶେଷ ମତ ବିନିମୟ
ଚଳିଲେ ସୁଦ୍ଧା ଅହରହଃ
ବାହାରି ପାରେନି ନିଷ୍କର୍ଷ
ବିତିଯାଏ ମାସ ଓ ବର୍ଷ
ଦୋହଲୁଥାଏ ଯାହା ମନ
କରେନି କେବେ ସମାଧାନ
ସମସ୍ୟା ରହିଥାଏ ପଡ଼ି
ଗୋଡ଼ରେ ଖଂଜାହୁଏ ବେଡ଼ି
ଦାୟିତ୍ବ ବିହୀନ କ୍ଷମତା
ପାଇଲେ, ଏପରି ଅବସ୍ଥା
ସହିତ କରି ବୁଝାମଣା
ସଂଭାଳୁଁ ପେଟ ଓ ପାଟଣା
ବ୍ୟକ୍ତିଚାଳିତ ହେଲେ ଦେଶ
ନାଗରିକଂକୁ ମିଳେ କ୍ଳେଶ
ନୀତିର ପୁନରାଗମନ
ଏବେ ତ ଶୁଦ୍ଧ ଦିବାସ୍ବପ୍ନ
ଚଳୁଛି ମତ ଦିଆନିଆ
ଭାଷାରେ ଭେଳିକି ଭଳିଆ
ନାହିଁ ନିର୍ଦିଷ୍ଟ କାର୍ଯକ୍ରମ
କିପରି ହେବା ସର୍ବୋତ୍ତମ ?
ଆପଣା ସତ ଆପେ ବୁଝି
କାମ କରିବା ପାଇଁ ରାଜି
ହୋଇଲେ ସ୍ବଭାଷୀ ସଂତାନ
ବଢ଼ିବ ଭାଷାର ସମ୍ମାନ
Comments are closed.