ଫ୍ରାନ୍ସ: କରୋନାଭାଇରସ୍ ସଂକ୍ରମଣ ପାଇଁ ଅଧିକାଂଶ ଦେଶ ଲକ୍-ଡାଉନ୍ । ଯେଉଁଠି ଲୋକେ ଗଣ୍ଡେ ଖାଇବାକୁ ପାଉନାହାନ୍ତି, ସେଠି ଜଣେ ବ୍ୟକ୍ତି ସିଗାରେଟ୍ ନିଶାରେ ନିଜ ଦେଶର ସୀମା ଡେଇଁ ଅନ୍ୟ ଦେଶରେ ପହଂଚିଥିଲେ ।
Millions of people around the world are adjusting to life under coronavirus safety measures, and France has ordered its population to stay at home. But one man decided to break quarantine and try to cross the border into Spain in search of cheap cigarettes https://t.co/QG8YcJdMs3
— CNN (@CNN) April 6, 2020
CNN ରିପୋର୍ଟ ଅନୁଯାୟୀ ଲକ୍-ଡାଉନ୍ ପାଇଁ ଫ୍ରାନ୍ସର ଜଣେ ବ୍ୟକ୍ତି ସିଗାରେଟ୍ କିଣିପାରିନଥିଲେ । ସିଗାରେଟ ନିଶାରେ ସେହି ବ୍ୟକ୍ତି ଜଣକ ଫ୍ରାନ୍ସରୁ ସ୍ପେନ୍କୁ ପ୍ରଥମେ ନିଜ କାରରେ ବାହାରିଥିଲେ । ହେଲେ ରାସ୍ତାରେ ପୋଲିସର ନାକାବନ୍ଦୀ ଯୋଗୁଁ ଚାଲିଚାଲି ଲା ଜୋଙ୍କ୍ୟୁରା (ସ୍ପେନ ବୋର୍ଡର ପାଖ ଅଂଚଳ) ଅତିକ୍ରମ କରିବାକୁ ଚେଷ୍ଟା କରିଥିଲେ ।
ତେବେ ପାହାଡିଆ ରାସ୍ତା ଦେଇ ଯାଉଥିବାବେଳେ ଏକ ନାଳରେ ପଡିଯାଇଥିଲେ । ଶେଷରେ କୌଣସିମତେ ଖବର ପାଇଁ ତାଙ୍କୁ ନିଜ ଦେଶରେ ମାଉଣ୍ଟେନ ପୋଲିସ ହେଲିକପ୍ଟର ଜରିଆରେ ଉଦ୍ଧାର କରିଥିଲା ।
ସଂପୃକ୍ତ ବ୍ୟକ୍ତିଙ୍କୁ ଜେଲ ଦଣ୍ଡାଦେଶ ନ ହୋଇ ଲକ୍-ଡାଉନ୍ ଉଲ୍ଲଙ୍ଘନ ଓ ବେଆଇନ ଭାବେ ସୀମା ପାର କରିବା ଅଭିଯୋଗରେ ୧୩୫ ୟୁରୋ ଜରିମାନା କରାଯାଇଛି ।