ନୂଆଦିଲ୍ଲୀ: ତୃତୀୟ ପର୍ଯ୍ୟାୟ ଲକଡାଉନ୍ ସହ କିଛି ଜୋନରେ କଟକଣା କୋହଳ କରିଛନ୍ତି କେନ୍ଦ୍ର ସରକାର । ମଦ ଦୋକାନ ଖୋଲିବାକୁ ଅନୁମତି ମିଳିବା ପରେ ଆଜି ଦେଶର ବିଭିନ୍ନ ସ୍ଥାନରେ ମଦ ଦୋକାନ ଆଗରେ ଖଚାଖଚ ଭିଡ । କେଉଁଠି କେଉଁଠି କିଲୋମିଟର ଯାଏଁ ଲାଇନ୍ ଲମ୍ବିଥିଲା । ଲୋକ ଖରା ତାତିରେ ଠିଆ ହୋଇ କିଣୁଥିଲେ ମଦ । କିଛି ସ୍ଥାନରେ ମଦ ଦୋକାନ ଆଗରେ ଯେମିତି ଦିଅଁ ଦର୍ଶନ ପାଇଁ ମନ୍ଦିରରେ ଠେଲାପେଲା ଲାଗିଥାଏ ସେଭଳି ଦୃଶ୍ୟ ସାମନାକୁ ଆସିଥିଲା । ଏପରିକି ଲୋକଙ୍କ ଆୟତ୍ତ କରିବାକୁ କିଛି ସ୍ଥାନରେ ଲାଠି ଚାର୍ଜ ବି କରିଥିଲା ପୋଲିସ ।
#WATCH: Police resorts to mild lathicharge outside a liquor shop in Kashmere Gate after social distancing norms were flouted by people outside the shop. #Delhi pic.twitter.com/XZKxrr5ThC
— ANI (@ANI) May 4, 2020
ସେହିପରି କାଁ ଭାଁ କିଛି ସ୍ଥାନରେ ସାମାଜିକ ଦୂରତ୍ୱକୁ ଲୋକ ମାନୁଥିବା ଦେଖିବାକୁ ମିଳିଥିଲା । ଲକଡାଉନ ବେଳେ ଲୋକ ପନିପରିବା କିମ୍ବା ରାସନ୍ ସାମଗ୍ରୀ କିଣିବା ବେଳେ ସାମାଜିକ ଦୂରତ୍ୱ ମାନୁ ନଥିଲେ । କିନ୍ତୁ ମଦ ଦୋକାନ ଆଗରେ ନିୟମକୁ ମାନୁଛନ୍ତି । ଘଣ୍ଟାଘଣ୍ଟା ଲାଇନରେ ଠିଆ ହେଉଛନ୍ତି । ମଦ କିଣୁଛନ୍ତି । ମାର୍ଚ୍ଚ ୨୫ ତାରିଖରେ ଲକଡାଉନ ଘୋଷଣା ପରଠୁ ଦେଶରେ ବନ୍ଦ ରହିଥିଲା ମଦ ଦୋକାନ ।
#WATCH Andhra Pradesh: Long queue seen outside a liquor shop on Nuzividu road of Hanuman Junction town of Krishna District. #CoronavirusLockdown pic.twitter.com/rz3cGf7kiA
— ANI (@ANI) May 4, 2020