ଲୁଧିଆନା: ପଞ୍ଜାବପ ପ୍ରଦେଶ ଲୁଧିଆନାର ଆସିଷ୍ଟାଷ୍ଟ କମିଶନର୍ ଅଫ ପୋଲିସ (ଏସିପି) ହେଲେ ଅନିଲ୍ କୋହଲି । ଜନସାଧାରଣଙ୍କୁ କରୋନା କବଳରୁ ବଞ୍ଚାଇବା ଲାଗି ଦିନ ରାତି ଖରାରେ ଛିଡ଼ା ହୋଇ ସେବା ସହିତ କର୍ତ୍ତବ୍ୟ କରୁଥିଲେ । କରୋନା ଭୂତାଣୁରେ ସଂକ୍ରମିତ ହେବାପରେ ଚିକିତ୍ସିତ ହେଉଥିଲେ । ଶନିବାର ଦିନ ତାଙ୍କର ଦୁଃଖଦ ମୃତ୍ୟୁ ଘଟିଛି । ଏହି ଘଟଣା ସମଗ୍ର ପଞ୍ଜାବରେ ଶୋକର ଛାୟା ଖେଳାଇଦେଇଛି ।
Our brother officer Anil Kohli, ACP Ludhiana, lost his battle against #COVID-19 today afternoon. Anil served Punjab Police and the people of Punjab for over 30 years.
May his soul RIP!Our prayers are with his family, relatives and all those worked with him. pic.twitter.com/uxaH0Xxyos
— DGP Punjab Police (@DGPPunjabPolice) April 18, 2020
ଉତ୍ତର ଲୁଧିଆନା ସିଟି ପୋଲିସର ଏସିପି ଥିଲେ ସ୍ୱର୍ଗତଃ କୋହଲି । ଏପ୍ରିଲ୍ ୧୩ ତାରିଖରେ ସେ କରୋନା ପଜିଟିଭ୍ ଘୋଷିତ ହୋଇଥିଲେ ।
ଲୁଧିଆନା ପୋଲିସର ଜଣେ କର୍ତ୍ତବ୍ୟନିଷ୍ଠ ଏବଂ ଆଗଧାଡ଼ିର ଅଫିସର ଥିଲେ କୋହଲୀ । ସେ ଲକ୍ଡାଉନ୍ ସମୟରେ ଲୁଧିଆନାର ଜନଗହଳି ପରିବା ମାର୍କେଟରେ ଦୈନିକ ୮ରୁ ୧୦ ଘଣ୍ଟା ଡ୍ୟୁଟି କରୁଥିଲେ । କରୋନା ଲାଗି କର୍ଫ୍ୟୁ ଘୋଷଣା ହେବା ଦିନଠୁ ସେ ଅନବରତ ତାଙ୍କ ଡ୍ୟୁଟି କରୁଥିଲେ ।
#Salute ACP Anil Kumar of Ludhiana Police laid down his life fighting a war of different kind. R.I.P ….
Jai Hind ???? pic.twitter.com/sIQomdBu4M— KJS DHILLON (@Tiny_Dhillon) April 18, 2020
ଏପ୍ରିଲ୍ ୮ ତାରିଖରେ କରୋନା ସଂକ୍ରମଣ ଯୋଗୁଁ ସେ ଡାକ୍ତରଖାନାରେ ଚିକିତ୍ସା ଲାଗି ଭର୍ତ୍ତି ହୋଇଥିଲେ । ସେତେବେଳେ ତାଙ୍କୁ ସାମାନ୍ୟ ଜ୍ୱର ହୋଇଥିଲା । ଡାକ୍ତରଖାନାରେ ଭର୍ତ୍ତି ହେବାର ୫ ଦିନ ପରେ ସେ କରୋନା ପଜିଟିଭ୍ ଚିହ୍ନଟ ହୋଇଥିଲେ ।
ପଞ୍ଜାବ ସରକାରଙ୍କ ସୂତ୍ରରୁ ଜଣାପଡ଼ିଛି ଯେ, ପ୍ରଥମ କରୋନା ରୋଗୀ ଭାବେ ତାଙ୍କୁ ପ୍ଲାଜମା ଚିକିତ୍ସା କରାଯାଇଥାଆନ୍ତା । ଏପରିକି ଅନ୍ୟ ଜଣେ ବ୍ୟକ୍ତିଙ୍କ ଠାରୁ ପ୍ଲାଜମା ସଂଗ୍ରହ କରାଯାଇଥିଲା ।
ଏଡ଼ିସିପି ସଚିନ ଗୁପ୍ତା ଯିଏକି କୋଭିଡ୍-୧୯ର ନୋଡ଼ାଲ୍ ଅଧିକାରୀ ସେ ଏନେଇ କହିଛନ୍ତି ଯେ, ତାଙ୍କର ପ୍ଲାଜମା ଚିକିତ୍ସା କରିବାର ସମସ୍ତ ବନ୍ଦୋବସ୍ତ ସରିଥିଲେ ମଧ୍ୟ ଚିକିତ୍ସା ପୂର୍ବରୁ କୋହଲି ଆଖି ବୁଜିଦେଲେ ।
ଏସମ୍ପର୍କରେ ସ୍ପଷ୍ଟ ଜଣାପଡ଼ିନଥିଲେ ମଧ୍ୟ ପରିବା ମାର୍କେଟରୁ ହିଁ ତାଙ୍କୁ କରୋନା ସଂକ୍ରମିତ ହୋଇଥିବାର ସନ୍ଦେହ କରାଯାଉଛି । ଶୁକ୍ରବାର ରାତିରୁ ଏସିପିଙ୍କ ସ୍ୱାସ୍ଥ୍ୟରେ ଅବନତି ଦେଖାଯାଇଥିଲା । ଧିରେ ଧିରେ ସମସ୍ତ ଗୁରୁତ୍ୱପୂର୍ଣ୍ଣ ଅଙ୍ଗ ଗୁଡ଼ିକ ଅଚଳ ହେବା ସହିତ ଛାତିରେ ଯନ୍ତ୍ରଣା ଯୋଗୁଁ ତାଙ୍କର ମୃତ୍ୟୁ ହୋଇଥିବା ପ୍ରକାଶ କରିଛନ୍ତି ଏସପିଏସ ହସ୍ପିଟାଲର ମେଡ଼ିକାଲ୍ ସୁପରିନଟେଣ୍ଡେଣ୍ଟ୍ ଡଃ ରାଜୀବ କୁନ୍ଦ୍ରା ।