ନୂଆଦିଲ୍ଲୀ: ମହାରାଷ୍ଟ୍ର-କର୍ଣ୍ଣାଟକ ୨ ରାଜ୍ୟ ମଧ୍ୟରେ ସୀମା ବିବାଦ ନେଇ ନେତାଙ୍କ ବୟାନ ବାଜି ତେଜିବାରେ ଲାଗିଛି । ମହାରାଷ୍ଟ୍ର ସୀମାକୁ ଲାଗି ରହିଥିବା କର୍ଣ୍ଣାଟକର ମରାଠୀ ଭାଷାଭାଷୀ ଅଞ୍ଚଳ ବାସୀଙ୍କ ଉପରେ ଅତ୍ୟାଚାର କରାଯାଉଥିବା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଅଭିଯୋଗ କରିଛନ୍ତି ।
ଏହାର ଜବାବରେ କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସାୱଦୀ କହିଛନ୍ତି- କର୍ଣ୍ଣାଟକର ମରାଠୀ ଭାଷାଭାଷୀ ଲୋକ ମୁମ୍ବାଇକୁ କର୍ଣ୍ଣାଟକରେ ସାମିଲ୍ କରିବାକୁ ଇଚ୍ଛା ରଖିଛନ୍ତି । ସୂଚନାଯୋଗ୍ୟ ମହାରାଷ୍ଟ୍ର-କର୍ଣ୍ଣାଟକ ମଧ୍ୟରେ ଭାଷାକୁ ନେଇ ସୀମା ବିବାଦ ବେଶ୍ ପୁରୁଣା । କର୍ଣ୍ଣାଟକର ବେଲଗାମ, କରୱାର ନିପ୍ପନି ସହିତ ଅନ୍ୟ କେତେକ ଅଞ୍ଚଳରେ ମହାରାଷ୍ଟ୍ର ଭାଷା ଆଧାରରେ ନିଜର ବୋଲି ଦାବି କରୁଛି । ୨ ରାଜ୍ୟ ମଧ୍ୟରେ ଭାଷାକୁ ନେଇ ସୀମା ବିବାଦ ସୁପ୍ରିମକୋର୍ଟରେ ପହଞ୍ଚିଛି ।
କଣ କହିଲେ ଉଦ୍ଧବ ?
Despite the matter is in court, Karnataka Govt has deliberately changed name of disputed region of Belgaum. Looking at atrocities of Marathi speaking people in that area, our Govt will approach SC to declare that part as Union Territory till the matter is in court: Maharashtra CM https://t.co/FjrqjqWcHR pic.twitter.com/efApq3RkaN
— ANI (@ANI) January 27, 2021
ଦୁଇ ରାଜ୍ୟ ମଧ୍ୟରେ ଥିବା ସୀମା ବିବାଦ ଉପରେ ଲିଖିତ ବହି ଉନ୍ମୋଚନ ବେଳେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପୁଣି ପ୍ରସଙ୍ଗକୁ ତାଜା କରିଛନ୍ତି । କର୍ଣ୍ଣାଟକରେ ମରାଠୀ ଭାଷୀ ରହୁଥିବା ଅଞ୍ଚଳରେ ସରକାର ଅତ୍ୟାଚର କରୁଥିବା ଉଦ୍ଧବ କହିଥିଲେ । ସେ କହିଥିଲେ- ଉକ୍ତ ଅଞ୍ଚଳକୁ ମହାରାଷ୍ଟ୍ରରେ ସାମିଲ୍ ଲାଗି ଜିତିବା ପାଇଁ ଲଢ଼ିବାକୁ ପଡ଼ିବ । ମାମଲାର ଶୁଣାଣି ସୁପ୍ରିମକୋର୍ଟରେ ଚାଲିଥିବା ବେଳେ କର୍ଣ୍ଣାଟକ ବେଲଗାମର ନାମ ପରିବର୍ତ୍ତନ କରି ତାକୁ ରାଜ୍ୟର ଦ୍ୱିତୀୟ ରାଜଧାନୀ ଘୋଷଣା କରିବା ସହ ସେଠାରେ ବିଧାନ ପରିଷଦର କୋଠା ନିର୍ମାଣ କରାଯାଇଛି । ସେଠାରେ ପରିଷଦର ଅଧିବେଶନ ବସୁଛି । ଯାହାକୁ ଅଦାଲତ ଅବମାନନା ବୋଲି କହିଛନ୍ତି ଉଦ୍ଧବ ।
‘କର୍ଣ୍ଣାଟକରେ ମିଶିବ ମୁମ୍ବାଇ’
Mumbai should be included in Karnataka. Until that is done, I request Central govt to declare Mumbai as a Union Territory: Karnataka Deputy CM Laxman Savadi https://t.co/NQtxvePitR pic.twitter.com/Sw6fQcMCLO
— ANI (@ANI) January 28, 2021
କର୍ଣ୍ଣାଟକର ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସାୱଦୀ ଉଦ୍ଧବଙ୍କ ମନ୍ତବ୍ୟର ଜବାବରେ କହିଛନ୍ତି- ମରାଠୀ ଭାଷୀ ଲୋକ ମୁମ୍ବାଇକୁ କର୍ଣ୍ଣାଟକରେ ସାମିଲ୍ କରିବାକୁ ଚାହାଁନ୍ତି । ଉକ୍ତ ଲୋକମାନଙ୍କ ସହ ମୁଁ ବି ମୁମ୍ବାଇକୁ କର୍ଣ୍ଣାଟକରେ ମିଶାଇବା ଲାଗି ଦାବି କରୁଛି । ଏଥିସହ ମିଶ୍ରଣ ନହେବା ପର୍ଯ୍ୟନ୍ତ ମୁମ୍ବାଇକୁ କେନ୍ଦ୍ର ଶାସିତ ଅଞ୍ଚଳ ଘୋଷଣା କରିବାକୁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ସାୱଦୀ ।
ବିବାଦ କଣ ?
ଦୁଇ ରାଜ୍ୟ ମଧ୍ୟରେ ଚାଲିଥିବା ସୀମା ବିବାଦ ସ୍ୱାଧୀନତା ପୂର୍ବର । ୧୯୫୬ରେ ଭାଷାଭିତ୍ତିରେ ରାଜ୍ୟ ଗଠନ ପରେ ସୀମା ବିବାଦ ବଢ଼ିଯାଇଛି । ବିବାଦକୁ ନେଇ ମହାରାଷ୍ଟ୍ର ଏକୀକରଣ ସମିତି ଗଠନ କରିଛି । କର୍ଣ୍ଣାଟକର ବେଲଗାମ, କରୱାର ଓ ନିପ୍ପଣୀ ସହ ଅନ୍ୟ କେତେକ ଅଞ୍ଚଳ ନିଜର ବୋଲି ଭାଷା ଆଧାରରେ ଦାବି କରିଆସୁଛି ମହାରାଷ୍ଟ୍ର ।