ମହାରାଷ୍ଟ୍ରରେ ସର୍ବାଧିକ ୭୪ କରୋନା ପଜିଟିଭ

ମହାରାଷ୍ଟ୍ର: ଦିନକୁ ଦିନ ଉଗ୍ର ହେଉଛି ମାହାମାରୀ କରୋନା ଭାଇରସ । ଭାରତରେ କୋକୁଆ ଭୟ ସୃଷ୍ଟି କରିଛି କରୋନା । ଧୀରେ ଧୀରେ ଦେଶରେ ଲଗାତାର କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସର୍ବାଧିକ ହୋଇଛି । ଏଠାରେ ରବିବାର ସକାଳେ ଆଉ ୧୦ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି ।
୧୦ ନୂଆ କରୋନା ସଂକ୍ରମିତ ରୋଗୀଙ୍କ ମଧ୍ୟରେ ୬ ଜଣ ମୁମ୍ବାଇର ଥିବାବେଳେ ୪ ଜଣ ପୁନେର ଥିବା ଜଣାପଡିଛି । ଫଳରେ ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ୭୪କୁ ବୃଦ୍ଧି ପାଇଛି । ସେପଟେ ଏହି ଭାଇସର ଭୟାବହତାକୁ ଦେଖି ମହାରାଷ୍ଟ୍ର ସରକାର ଆଜିଠୁ ମହାରାଷ୍ଟ୍ର ସମେତ ୪ଟି ସହରକୁ ପୁରାପୁରି ଲକ୍ ଡାଉନ୍ କରିଛନ୍ତି ।