ମୁମ୍ବାଇ: ଦ୍ୱିତୀୟ ବିବାହ କରିବେ ପାକିସ୍ତାନୀ ଅଭିନେତ୍ରୀ ମାହିରା ଖାନ । ଏହି ବିବାହ ଖବରକୁ ନେଇ ସେ ଏବେ ଖୁବ୍ ଚର୍ଚ୍ଚାରେ ଅଛନ୍ତି । ସେ ଆସନ୍ତା ମାସରେ ପାକିସ୍ତାନର ପ୍ରସିଦ୍ଧ ବ୍ୟବସାୟୀ ସଲିମ କରିମଙ୍କୁ ବିବାହ କରିବେ । ମାହିରା ପୂର୍ବରୁ ଅଲି ଆସ୍କରିଙ୍କୁ ବିବାହ କରିଥିଲେ । କିନ୍ତୁ ସେମାନଙ୍କର ସମ୍ପର୍କ ବେଶୀ ଦିନ ତିଷ୍ଠି ପାରି ନ ଥିଲା । ପରେ ଦୁହେଁ ପରସ୍ପରଠାରୁ ଛାଡପତ୍ର ନେଇଥିଲେ ।
ଛାଡପତ୍ର ପରେ ଅଭିନେତ୍ରୀ ମାହିରା ଓ ସଲିମଙ୍କୁ ଅନେକ ସ୍ଥାନରେ ଏକାଠି ନଜର ଆସୁଥିଲେ । ଦୀର୍ଘ ଦିନ ଧରି ପରସ୍ପରକୁ ଡେଟ କରୁଥିବା ନେଇ ମଧ୍ୟ ଫିଲ୍ମ ଇଣ୍ଡଷ୍ଟ୍ରିରେ ଚର୍ଚ୍ଚା ଜୋର ଧରିଥିଲା । ଉଭୟେ ଆସନ୍ତା ମାସରେ ପାକିସ୍ତାନର ପଞ୍ଜାବରେ ହିଲ୍ ଷ୍ଟେସନ୍ରେ ବିବାହ କରିବେ । ଏହି ବିବାହ ଉତ୍ସବରେ କେବଳ ମାହିରା ଏବଂ ସଲିମଙ୍କ ପରିବାର ଏବଂ କେବଳ ଘନିଷ୍ଠ ବନ୍ଧୁ ଯୋଗ ଦେବାର କାର୍ଯ୍ୟକ୍ରମ ରହିଛି । ହେଲେ ମାହିରା ଏବଂ ସଲିମ ନିଜ ବିବାହକୁ ନେଇ କୌଣସି ପ୍ରତିକ୍ରିୟା ଦେଇନାହାନ୍ତି ।
ମାହିରା ବଲିଉଡ ଫିଲ୍ମରେ କାମ କରିଛନ୍ତି । ୨୦୧୭ରେ ଶାହରୁଖ ଖାନଙ୍କ ଫିଲ୍ମ ‘ରେସ୍’ରେ ସେ ଅଭିନୟ କରିଥିଲେ ।
Comments are closed.