ପାରାଦୀପ : ପାଣି ଛିଟା ରୁ ଯୁବକଙ୍କୁ ମରଣାନ୍ତକ ଆକ୍ରମଣ। ରାସ୍ତାରେ ପାଣି ଛିଟିକି ପଡିବାରୁ ତୁମୁଳକାଣ୍ଡ ସୃଷ୍ଟି ହୋଇଛି । ଯାହାକୁ ନେଇ ଯୁବକଙ୍କୁ ଗୋଡାଇ ଗୋଡାଇ ହାଣିଲା ଅଭିଯୁକ୍ତ । ଏମିତି ଅଭାବନୀୟ ଘଟଣା ଦେଖିବାକୁ ମିଳିଛି ପାରାଦୀପ ଲକ୍ ପଡା ଅଞ୍ଚଳରେ । ସୂଚନା ମୂତାବକ ଗତକାଲି ବିଳମ୍ବିତ ରାତିରେ ଲକ୍ ପଡା ର ଚିରନ୍ତନ ଘଡେଇ ରାସ୍ତା ଉପରେ ଛିଡ଼ା ହୋଇଥିବା ବେଳେ ବିଜୟଚାନ୍ଦପୁରର ମଦନ କଡି ସେହି ରାସ୍ତା ଦେଇ ବାଇକ୍ ରେ ଯାଉଥିଲେ ।
ରାସ୍ତାରେ ପାଣି ଜମିଥିବାରୁ ଚିରନ୍ତନ ଙ୍କ ଉପରେ ପାଣି ଛିଟିକି ପଡିଥିଲା । ଚିରନ୍ତନ ଏହାର ପ୍ରତିବାଦ କରିବାରୁ ମଦନ ଘରୁ ଯାଇ ଏକ ଖଣ୍ଡା ଆଣି ଚିରନ୍ତନ ଙ୍କୁ ଗୋଡେଇ ଗୋଡେଇ ହାଣିବା ସହ ତାଙ୍କ ବାଇକ କୁ ମଧ୍ୟ ଭାଙ୍ଗି ଦେଇଥିଲେ । ପରେ ସ୍ଥାନୀୟ ଲୋକ ଚିରନ୍ତନ ଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଅଠରବାଙ୍କୀ ମେଡିକାଲରେ ଭର୍ତ୍ତି କରିଥିଲେ । ସେପଟେ ଘଟଣାରେ ଅଭିଯୁକ୍ତ ମଦନ କଡି ଫେରାର ରହିଥିବାବେଳେ ପୋଲିସ ଘଟଣାରେ ଛାନଭିନ୍ ଜାରି ରଖିଛି ।
Comments are closed.