ୱାଗନଆରର ପ୍ରତ୍ୟେକ ମଡେଲରେ ୬-ଏୟାରବ୍ୟାଗ୍ ସୁରକ୍ଷା

ହାଇଦ୍ରାବାଦ:ଭାରତର ସର୍ବାଧିକ ବିକ୍ରି ହେଉଥିବା କାର ମାରୁତି ସୁଜୁକି ୱାଗନଆର (Maruti Suzuki WagonR)ଏବେ ପୂର୍ବ ଅପେକ୍ଷା ଅଧିକ ସୁରକ୍ଷିତ ହୋଇଯାଇଛି। ଏବେ ମାରୁତି ୱାଗନଆରର ପ୍ରତ୍ୟେକ ମଡେଲରେ ଛଅଟି ଏୟାରବ୍ୟାଗ ରହିବ। ଗତ ୪ ଆର୍ଥିକ ବର୍ଷ ଧରି ଭାରତୀୟ ବଜାରରେ ମାରୁତି ୱାଗନଆର ସର୍ବାଧିକ ବିକ୍ରି ହେଉଥିବା ମଡେଲ ଅଟେ । ଏହାପୂର୍ବରୁ କମ୍ପାନୀ ଏହି କାରକୁ କେବଳ ଦୁଇଟି ଏୟାରବ୍ୟାଗ୍‌ ସହିତ ବଜାରରେ ବିକ୍ରି କରୁଥିଲା, ଯେଉଁଥିରେ ଗୋଟିଏ ଡ୍ରାଇଭର ଓ ଅନ୍ୟଟି ଡ୍ରାଇଭର ପାଖ ସିଟ୍‌ ଲାଗି ଥିଲା ।

୬ଟି ଏୟାରବ୍ୟାଗ ବ୍ୟତୀତ, ୱାଗନଆରରେ ଆଣ୍ଟି ଲକ୍ ବ୍ରେକିଙ୍ଗ ସିଷ୍ଟମ (ABS) ସହିତ ଇଲେକ୍ଟ୍ରୋନିକ୍ ବ୍ରେକଫୋର୍ସ ଡିଷ୍ଟ୍ରିବ୍ୟୁସନ (EBD), ଇଲେକ୍ଟ୍ରୋନିକ୍ ସ୍ଥିରତା କାର୍ଯ୍ୟକ୍ରମ ଏବଂ ହିଲ୍ ହୋଲ୍ଡ ଆସିଷ୍ଟ ଭଳି ସୁରକ୍ଷା ଫିଚର୍ସ ମଧ୍ୟ ଅଛି। କେବଳ ଏତିକି ନୁହେଁ, ନୂତନ ୱାଗନଆର ହାର୍ଟଏକ୍ଟ ପ୍ଲାଟଫର୍ମରେ ନିର୍ମିତ, ଯେଉଁଥିରେ ଭଲ ଗୁଣବତ୍ତାର ଷ୍ଟିଲ ରହିଛି।

ମାରୁତି ସୁଜୁକି ୱାଗନଆରର ନୂତନ ରିଫ୍ରେସ ମଡେଲ ଲଞ୍ଚ କରିଛି। ପୂର୍ବ ମଡେଲ ତୁଳନାରେ, ଏହି କାରର ମୂଲ୍ୟ ପ୍ରାୟ ୧୩,୦୦୦ ଟଙ୍କା ବୃଦ୍ଧି ପାଇଛି । ଅପଡେଟ୍ ମୂଲ୍ୟ ତାଲିକା ଅନୁସାରେ ବେସ୍ ମଡେଲ୍ WagonR LXi MT ବର୍ତ୍ତମାନ ୫,୭୮,୫୦୦ଟଙ୍କାରୁ ଆରମ୍ଭ ହୋଇଥିବାବେଳେ ଟପ୍-ଏଣ୍ଡ୍ ZXi + AMT ଭାରିଏଣ୍ଟର ମୂଲ୍ୟ ୭,୪୯,୫୦୦ଟଙ୍କା (ଏକ୍ସଶୋରୁମ, ଦିଲ୍ଲୀ) ରହିଛି ।

ଏହା ମାର୍ଚ୍ଚ ମାସରେ ଚତୁର୍ଥ ସର୍ବାଧିକ ବିକ୍ରି ହୋଇଥିବା କାର ଥିଲା । ଏପର୍ଯ୍ୟନ୍ତ ଏହି କାରର ୩୩.୭ ଲକ୍ଷ ୟୁନିଟ୍ ବିକ୍ରି ହୋଇସାରିଛି ଏବଂ ବହୁତ ଶୀଘ୍ର ଏହି ସଂଖ୍ୟା ୪୦ ଲକ୍ଷ ୟୁନିଟ୍ ଛୁଇଁବ ।

କମ୍ପାନୀ ଏହା ମଧ୍ୟ କହିଛି ଯେ, ୱାଗନଆରର ପ୍ରତି ଚାରି ଜଣ ଗ୍ରାହକଙ୍କ ମଧ୍ୟରୁ ଜଣେ ଏହାକୁ ପୁଣି ଥରେ କିଣୁଛନ୍ତି ।

ଏହି କାରଣଗୁଡ଼ିକ ପାଇଁ ୱାଗନଆର ଲୋକପ୍ରିୟ:

-କମ୍ ମୂଲ୍ୟ
-ସାନଦାର ମାଇଲେଜ୍
-ଏହି ସେଗମେଣ୍ଟରେ ଭଲ ସ୍ପେସ ରହିଛି
-ଲମ୍ବା ବୟ ବକ୍ସି ଡିଜାଇନ୍
-କମ୍ ରକ୍ଷଣାବେକ୍ଷଣ
-CNG ବିକଳ୍ପ
-ଦଶନ୍ଧିର ବିଶ୍ୱାସ

ଏହି ସମସ୍ତ କାରଣରୁ ଭାରତୀୟ ଗ୍ରାହକଙ୍କ ମଧ୍ୟରେ ଏହି କାରକୁ ଲୋକପ୍ରିୟ କରିବାରେ ନିରନ୍ତର ସାହାଯ୍ୟ କରୁଛି। ଏବେ ଏହି କାରରେ ୬ଟି ଏୟାରବ୍ୟାଗ ଏବଂ ଅପଡେଟ୍ ଇଞ୍ଜିନ ମଧ୍ୟ ସାମିଲ କରାଯାଇଛି। ଏହି କାରଣରୁ ଏହି କାରର ବିକ୍ରି ଆହୁରି ବୃଦ୍ଧି ପାଇବାର ଆଶା କରାଯାଉଛି।