ବିଲ୍ ଗେଟ୍ସଙ୍କୁ କରୋନା

ଓଡ଼ିଶା ସମ୍ବାଦ ବ୍ୟୁରୋ: ମାଇକ୍ରୋସଫ୍ଟର ସହ-ପ୍ରତିଷ୍ଠାତା ତଥା ବିଶ୍ୱର ସବୁଠୁ ଧନୀ ବ୍ୟକ୍ତି ବିଲ୍ ଗେଟ୍ସଙ୍କୁ କରୋନା । ସେ କରୋନା ସଂକ୍ରମିତ ହୋଇଥିବା ନିଜେ ଟ୍ୱିଟ୍ କରି ସୂଚନା ଦେଇଛନ୍ତି । ସେ ଲେଖିଛନ୍ତି, କୋଭିଟ୍ ଟେଷ୍ଟ ରିପୋର୍ଟ ପଜିଟିଭ୍ ବାହାରିଛି । ତାଙ୍କ ପାଖରେ କରୋନାର ସାମାନ୍ୟ ଲକ୍ଷଣ ରହିଛି । କିଛି ଦିନ ଆଇସୋଲେସନରେ ରହିବେ । ସମ୍ପୂର୍ଣ୍ଣ ସୁସ୍ଥ ନହେବା ଯାଏ ଡାକ୍ତରଙ୍କ ପରାମର୍ଶ ମାନି ଚଳିବେ ।

I’ve tested positive for COVID. I’m experiencing mild symptoms and am following the experts’ advice by isolating until I’m healthy again.

— Bill Gates (@BillGates) May 10, 2022

ଏଥିସହ ବିଲ୍ ଗେଟ୍ସ ଲେଖିଛନ୍ତି, ସେ ଭାଗ୍ୟଶାଳୀ ଅଟନ୍ତି ଯେ କରୋନା ଟିକା ନେଇଛନ୍ତି । ଏପରିକି ବୁଷ୍ଟର ଡୋଜ୍ ବି ନେଇଛନ୍ତି । ଏଥିସହ ଗେଟସ୍ ଫାଉଣ୍ଡେସନ୍ ବାବଦରେ ବି ଲେଖିଛନ୍ତି ବିଲ୍ ଗେଟସ୍ । କରୋନା କାଳରେ ଗରିବ ରାଷ୍ଟ୍ରକୁ ଟିକା ଏବଂ ଔଷଧ ଯୋଗାଇବାରେ ତାଙ୍କ ଫାଉଣ୍ଡେସନ୍ ସହାୟତା କରିଥିଲା ।