ବାରଣାସୀ: ବିକ୍ରି ହେବ ବାରଣାସୀରେ ଥିବା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ । କିଛି ଏପରି ବିଜ୍ଞାପନ ଆଜି ଉତ୍ତରପ୍ରଦେଶରେ ହଟଚମଟ ସୃଷ୍ଟି କରିଥିଲା । ଅନ୍ଲାଇନ୍ ପ୍ଲାଟଫର୍ମ ଓଏଲଏକ୍ସରେ ମିନି ପିଏମ୍ଓ ବିକ୍ରି ହେବା ବିଜ୍ଞାପନ କେବଳ ସାଧାରଣ ଲୋକ ନୁହେଁ ବରଂ ପୋଲିସ ପ୍ରଶାସନକୁ ବି ଚକିତ କରିଥିଲା । ହେଲେ ଶେଷରେ ପୋଲିସ ତଦନ୍ତରେ ସାମ୍ନାକୁ ଆସିଛି ସମସ୍ତ ଘଟଣା ।
ଓଲଏକ୍ସରେ ବିଜ୍ଞାପନ ଦେବା ମାମଲାରେ ପୋଲିସ ୪ ଅଭିଯୁକ୍ତଙ୍କୁ ଗିରଫ କରିଛି । ତଦନ୍ତରୁ ଜଣାପଡିଛି ଜବାହାର ନଗର ଏକ୍ସଟେନ୍ସନ୍ ନିକଟରେ ପ୍ରଧାନମନ୍ତ୍ରୀଙ୍କ ଜନସଂପର୍କ କାର୍ଯ୍ୟାଳାୟକୁ ବିକ୍ରୟ କରିବା ପାଇଁ ଲକ୍ଷ୍ମୀକାନ୍ତ ଓଝା ନାମକ ଜଣେ ବ୍ୟକ୍ତି ନିଜ ପ୍ରୋଫାଇଲରେ ବିଜ୍ଞାପନ ଦେଇଥିଲେ ।
OLX पर शरारती तत्वों द्वारा पीएम के संसदीय कार्यालय को बेचने हेतु दिये गये विज्ञापन के सम्बन्ध में #SSP_VNS @amitpathak09 की बाईट @Uppolice @dgpup @adgzonevaranasi @IgRangeVaranasi @AmarUjalaNews @Live_Hindustan @TOIIndiaNews @htTweets pic.twitter.com/oXLwh34oyM
— Varanasi Police (@varanasipolice) December 18, 2020
ତଦନ୍ତକାରୀ ଦଳ ବିଜ୍ଞାପନ ହଟାଇବା ପରେ ଭେଲୁପୁର ଥାନାରେ ମାମଲା ରୁଜୁ କରି ୪ଜଣ ଅଭିଯୁକ୍ତଙ୍କୁ ଗିରଫ କରିଛି । ଓଲଏକ୍ସ ବିଜ୍ଞାପନରେ ପ୍ରଧାନମନ୍ତ୍ରୀ କାର୍ଯ୍ୟାଳୟର ୪ଟି ଫଟୋ ପୋଷ୍ଟ ହୋଇଥିଲା । ତା ଛଡା କାର୍ଯ୍ୟାଳୟରେ ଥିବା ୪ଟି ବେଡରୁମ୍ ଓ ୨ଟି ଗାଡିର ପାର୍କିଂ ବ୍ୟବସ୍ଥା ଥିବା ନେଇ ସୂଚନା ଦିଆଯାଇଥିଲା । ବିଜ୍ଞାପନରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଦାମ ସାଢେ ସାତ କୋଟି ରହିଥିଲାବେଳେ ଠିକଣା କିନ୍ତୁ ଭୁଲ ଦିଆଯାଇଥିଲା ।