ଭୁବନେଶ୍ୱର: ମୋବାଇଲ ସହ ଆମେ ଅଙ୍ଗାଙ୍ଗୀ ଭାବେ ଜଡ଼ିତ ହୋଇ ଗଲେଣି । ଆମ ଜୀବନର ଏହାଏକ ଅବିଛିନ୍ନ ଅଙ୍ଗ ଭାବେ ଉଭା ହେଲାଣି । ଏହାର ବ୍ୟବହାର ଜୀବନକୁ ଯେତିକି ସରଳ କରି ଦେଉଛି ସ୍ୱାସ୍ଥ୍ୟ ପାଇଁ ସେତିକି ହାନିକାରକ ମଧ୍ୟ ସାବ୍ୟସ୍ଥ ହେଉଛି ।
ଆମେ ଅଧିକାଂଶ ସମୟ ମୋବାଇଲ ଫୋନକୁ କାନରେ ଚାପି ଧରି କଥା ହେଉ । ତେବେ କଣ ଆପଣ ଜାଣନ୍ତି ମୋବାଇଲ୍ ଫୋନ୍କୁ କାନରେ ଚାପି ଅଧିକ ସମୟ କଥା ହେବା ସ୍ୱାସ୍ଥ୍ୟ ପାଇଁ କେତେ କ୍ଷତିକାରକ
ବିଶେଷଜ୍ଞଙ୍କ ମତରେ ବଧିରତା କିମ୍ବା ନିଦ୍ରାହୀନତା ସମସ୍ୟା ସୃଷ୍ଟି ପଛରେ ମୋବାଇଲ୍ ଫୋନ୍ ଏକ ମୁଖ୍ୟ କାରଣ।
କାନରେ ମୋବାଇଲ୍ ଫୋନ୍କୁ ଚାପି ରଖି ଅଧିକ ସମୟ କଥା ହେଉଥିବା ବ୍ୟକ୍ତିିଙ୍କ କ୍ଷେତ୍ରରେ ଏହି ଆଶଙ୍କା ଅଧିକ। ମୋବାଇଲ୍ ଫୋନ୍ର ମାତ୍ରାଧିକ ବ୍ୟବହାର ଏବଂ ଏହା ଦ୍ୱାରା ଘଟୁଥିବା ସ୍ୱାସ୍ଥ୍ୟ ସମସ୍ୟା ବାବଦରେ ମଧ୍ୟ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ସତର୍କ କରିଦିିଆଯାଇଛି।
ଏହା କେବଳ ବେକ, କଚଟି, ଆଖି, ଆଙ୍ଗୁଳିକୁ ପ୍ରଭାବିତ କରେ ନାହିଁ; କର୍କଟ ଆଶଙ୍କା ମଧ୍ୟ ସୃଷ୍ଟି କରେ। ମୁଣ୍ତବ୍ୟଥା ସହ ସ୍ମରଣ ଶକ୍ତି କମିଯାଇପାରେ। ଏଥିପାଇଁ ସାବଧାନ ରହନ୍ତୁ।
କଥା ହେବା ବେଳେ ଫୋନ୍କୁ କାନ ଠାରୁ ସାମାନ୍ୟ ଦୂରେଇ ରଖନ୍ତୁ। କ୍ରମାଗତ ପନ୍ଦର ମିନିଟ୍ରୁ ଅଧିକ ସମୟ କଥା ନହେବାକୁ ଚେଷ୍ଟା କରନ୍ତୁ।
ଇଅର୍ ଫୋନ୍ କିମ୍ବା ବ୍ଲୁ ଟୁଥ୍ ବ୍ୟବହାର କରି କଥା ହେବା ନିରାପଦ। ଫୋନକୁ ଶରୀର ଉପରେ ରଖି କଥା ହୁଅନ୍ତୁ ନାହିଁ କିମ୍ବାତକିଆ ତଳେ ରଖି ଶୁଅନ୍ତୁ ନାହିଁ।
Comments are closed.