ନୂଆଦିଲ୍ଲୀ: ବୁଧବାର ପ୍ରଥମ ଫାଉଣ୍ଡେସନ୍ ଦ୍ୱାରା ପ୍ରକାଶିତ ବାର୍ଷିକ ଶିକ୍ଷା ସ୍ଥିତି ରିପୋର୍ଟ (ଏଏସ୍ଇଆର୍) ୨୦୨୩ ଭାରତର ଗ୍ରାମୀଣ କିଶୋର ମାନଙ୍କ ମଧ୍ୟରେ ୧୪-୧୮ ବର୍ଷ ବୟସବର୍ଗର ଗ୍ରାମୀଣ ଯୁବକମାନଙ୍କ ମଧ୍ୟରେ ମୌଳିକ ସାକ୍ଷରତା ଏବଂ ଗଣିତରେ ନିରାଶାଜନକ ସ୍ଥିତିକୁ ପଦାରେ ପକାଇଛି। ୨୬ଟି ରାଜ୍ୟର ୨୮ଟି ଜିଲ୍ଲାର ୩୪,୭୪୫ ଜଣ ପିଲାଙ୍କ ଉପରେ କରାଯାଇଥିବା ସର୍ଭେ ଆଧାରରେ ଏହି ରିପୋର୍ଟ ପ୍ରସ୍ତୁତ କରାଯାଇଛି।
ସର୍ଭେରେ ସାମିଲ ହୋଇଥିବା ଯୁବକଙ୍କ ମଧ୍ୟରୁ ପ୍ରାୟ ୪୩ ପ୍ରତିଶତ ଇଂରାଜୀରେ ବାକ୍ୟ ପଢ଼ି ପାରିନଥିବା ବେଳେ ୨୫ ପ୍ରତିଶତ ନିଜ ଭାଷାରେ ଦ୍ବିତୀୟ ଶ୍ରେଣୀ ସ୍ତରର ଲେଖା ପଢ଼ି ପାରୁନାହାନ୍ତି। ସେମାନଙ୍କ ମଧ୍ୟରୁ ଅଧାରୁ ଅଧିକ ସାଧାରଣ ଫେଡାଣ ସମସ୍ୟାର ସମାଧାନ କରିପାରିଲେ ନାହିଁ। ଯାହା ସେମାନେ ତୃତୀୟ କିମ୍ବା ଚତୁର୍ଥ ଶ୍ରେଣୀ ସୁଦ୍ଧା ଶିଖିବା କଥା।
୨୦୧୭ ତୁଳନାରେ ଇଂରାଜୀ ପଢ଼ିବାରେ କିଛି ଉନ୍ନତି ଘଟିଥିବା ରିପୋର୍ଟରେ ଦର୍ଶାଯାଇଛି, ଯେତେବେଳେ ୪୭% କିଶୋର ଏହା କରିବାରେ ଅସମର୍ଥ ଥିଲେ। ଯେଉଁମାନେ ୨୦୨୩ରେ ଇଂରାଜୀରେ ବାକ୍ୟ ପଢ଼ିପାରିଥିଲେ ସେମାନଙ୍କ ମଧ୍ୟରୁ ୭୩.୫% ଅର୍ଥ ବୁଝିପାରିଥିବା ବେଳେ ୨୦୧୭ରେ ଏହା ୫୩% ଥିଲା।
ଏହି ସର୍ବେକ୍ଷଣରେ ଗ୍ରାମୀଣ ଯୁବକମାନଙ୍କର ଡିଜିଟାଲ ଉପଲବ୍ଧତା ଏବଂ ଦକ୍ଷତା ସହିତ ସେମାନଙ୍କ ଆକାଂକ୍ଷା ଏବଂ ସଚେତନତା ବିଷୟରେ ମଧ୍ୟ ଅନୁଶୀଳନ କରାଯାଇଛି। ଏଥିରୁ ଜଣାପଡିଛି ଯେ ସେମାନଙ୍କ ମଧ୍ୟରୁ ୯୦.୫% ଲୋକ ରେଫରେନ୍ସ ସପ୍ତାହରେ ସୋସିଆଲ ମିଡିଆ ବ୍ୟବହାର କରିଥିଲେ। ଯେଉଁଥିରେ ପୁରୁଷ (୯୩.୪%) ମହିଳାଙ୍କ ଠାରୁ ସାମାନ୍ୟ ଅଧିକ (୮୭.୮%) ଥିଲେ। ତେବେ ସେମାନଙ୍କ ମଧ୍ୟରୁ ମାତ୍ର ଅଧା ଅନଲାଇନ୍ ସେଫ୍ଟି ସେଟିଂ ବାବଦରେ ଅବଗତ।
ଏହି ସର୍ଭେରେ ଯୁବକମାନଙ୍କୁ ପଢ଼ିବା, ଗଣିତ ଓ ଇଂରାଜୀ ଦକ୍ଷତା ଭଳି ୪ଟି କ୍ଷେତ୍ରରେ ଆକଳନ କରାଯାଇଥିଲା। ଦୈନନ୍ଦିନ ଗଣନାରେ ମୌଳିକ କୌଶଳର ପ୍ରୟୋଗ; ଲିଖିତ ନିର୍ଦ୍ଦେଶାବଳୀ ପଢ଼ିବା ଏବଂ ବୁଝିବା; ଏବଂ ଆର୍ଥିକ ହିସାବ ଯାହା ବାସ୍ତବ ଜୀବନରେ କରିବା ଆବଶ୍ୟକ।
ଏହି ରିପୋର୍ଟର ଉଦ୍ଦେଶ୍ୟ ହେଉଛି ଭବିଷ୍ୟତ ପାଇଁ ଭାରତର ଯୁବଗୋଷ୍ଠୀଙ୍କ ପ୍ରସ୍ତୁତି ବିଷୟରେ ସୂଚନା ପ୍ରଦାନ କରିବା, କାରଣ ସେମାନେ ବିଶ୍ୱର ସର୍ବବୃହତ ଜନସଂଖ୍ୟା ଗୋଷ୍ଠୀ ଅଟନ୍ତି।