ମୁମ୍ବାଇ: ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ ବିବାହ କଲେ ଟେଲି ତଥା ଟିଭି ଅଭିନେତ୍ରୀ ମୌନୀ ରୟ । ନିକଟରେ ମୌନୀଙ୍କର ବିବାହ ସମୟର ଫଟୋ ସୋସିଆଲ ମିଡିଆରେ ଖୁବ ଚର୍ଚ୍ଚା ସାଉଣ୍ଟିଛି ।
ସୁରଜ ନାମ୍ବିଆର୍ ନାମକ ଜଣେ ଦୁବାଇର ବିଜନେସ୍ ମ୍ୟାନ୍ ତଥା ଇନ୍ଭେଷ୍ଟମେଣ୍ଟ ବ୍ୟାଙ୍କର୍ଙ୍କ ହାତ ଧରିଛନ୍ତି ନାଗୀନ ଫେମ୍ ଆକ୍ଟ୍ରେସ୍ ମୌନୀ ରୟ । ଗତକାଲିଠୁ ଦୁହିଁଙ୍କ ବିବାହର ସମସ୍ତ ପ୍ରସ୍ତୁତି ଗୋଆରେ ଆରମ୍ଭ ହୋଇଥିଲା । ତେବେ ଆଜି ହିନ୍ଦୁ ପରମ୍ପରା ଅନୁଯାୟୀ ଦୁହେଁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ଦୁହିଁଙ୍କ ବିବାହ ସମୟର ଏକାଧିକ ଫଟୋ ଓ ଭିଡିଓ ସୋସିଆଲ୍ ମିଡିଆରେ ଦେଖିବାକୁ ମିଳିଛି ।
କେବଳ ପରିବାରବର୍ଗ ଓ କିଛି ବଛାବଛା ଅତିଥୀଙ୍କ ଗହଣରେ ବିବାହ ଅନୁଷ୍ଠିତ ହୋଇଥିବା ଜଣାପଡିଛି । ଯେଉଁଥିରେ ଅତିଥୀ ଭାବେ ସାମିଲ ହୋଇଥିଲେ ଅର୍ଜୁନ ଭିଜ୍ଲାନୀ, ମନ୍ଦିରା ବେଦୀ ଓ ଆଶକା ଗୋରାଡିଆ ।
View this post on Instagram
ସିରିଜ୍ କ୍ୟୁଁକି ଶାଶ୍ ଭି କବୁ ବହୁ ଥୀରେ ନଜର ଆସିଥିବା ମୌନୀ ଦେବୋଁ କେ ଦେବ…ମହାଦେବ ଭଳି ସିରିଜ୍ରେ ପପୁଲାରିଟି ହାସଲ କରିଥିଲେ । ପରେ ସେ ଏକତା କପୁରଙ୍କ ପ୍ରଯୋଜିତ ସିରିଜ୍ ନାଗୀନରେ ଦର୍ଶକଙ୍କ ନିକଟରେ ଲୋକପ୍ରିୟ ହୋଇପାରିଥିଲେ ।
ସେହିଭଳି ସିଲଭର୍ ସ୍କ୍ରିନ୍ ମାମଲାରେ ସେ ଗୋଲ୍ଡ, କେଜିଏଫ୍-୧, ରୋମିଓ ଅକବର ୱାଲ୍ଟର ଓ ମେଡ୍ ଇନ୍ ଚାଇନା ଭଳି ଫିଲ୍ମରେ ନଜର ଆସିଥିଲେ । ଆଗାମୀ ଦିନରେ ତାଙ୍କୁ ଅୟାନ ମୁଖାର୍ଜୀଙ୍କ ଫିଲ୍ମ ବ୍ରହ୍ମାସ୍ତ୍ରରେ ମଧ୍ୟ ଦେଖିବାକୁ ମିଳିବ । ତେବେ ସୁରଜ ନାମ୍ବିଆରଙ୍କୁ ବିବାହ କରିବା ପୂର୍ବରୁ ମୌନୀ ରୟ ମୋହିତ ରାଇନାଙ୍କ ସହ ପ୍ରେମ ସଂପର୍କରେ ଲିପ୍ତ ଥିଲେ ।
Comments are closed.