ଭୁବନେଶ୍ୱର: ସାରା ରାଜ୍ୟରେ ଜାରି ରହିଛି ମହାମାରୀର ପ୍ରକୋପ । ଦିନକୁ ଦିନ ଅତ୍ୟନ୍ତ ଉଗ୍ର ରୂପ ନେଇଛି କିଲର ଭାଇରା କରୋନା । ତେଣୁ ଏହାକୁ ଦୃଷ୍ଟିରେ ରଖି ପରୀକ୍ଷା ଘୁଂଚାଇବା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟସଭା ସାଂସଦ ଅମର ପଟ୍ଟନାୟକ । ଜେଇଇ, ନିଟ୍ ସହ ଅନ୍ୟ ସମସ୍ତ କମ୍ପିଟେଟିଭ ପରୀକ୍ଷା ଘୁଂଚାଇବାକୁ ସାଂସଦ ଅମର ପଟ୍ଟନାୟକ ଚିଠିରେ ଉଲ୍ଲେଖ କରିଛନ୍ତି । 
ବର୍ତ୍ତମାନ ସାରା ଦେଶରେ ଜାରି ରହିଛି ମହାମାରୀ କରୋନା । ଏଭଳି ସ୍ଥିତିରେ ପରୀକ୍ଷା କରିବା ଠିକ୍ ନୁହେଁ ବୋଲି ସାଂସଦ କହିଛନ୍ତି । ଏହାସହ ପରୀକ୍ଷା ସମୟରେ ପରୀକ୍ଷା କେନ୍ଦ୍ର ବାହାରେ ଜନଗହଳି ନିୟନ୍ତ୍ରଣ କରିବା ସମ୍ଭବ ନୁହେଁ । ଜଣେ ଯଦି କରୋନା ଭାଇରସ ସଂକ୍ରମଣ କବଳରେ ଆସିଯାଆନ୍ତି ତେବେ ତାହା ସମସ୍ତଙ୍କ ପାଇଁ ବିପଦ ସୃଷ୍ଟି କରିପାରେ ବୋଲି ସାଂସଦ ଚିଠିରେ ଉଲ୍ଲେଖ କରିଛନ୍ତି ।
