ଜହ୍ନ ରାଇଜରେ ଜାଗା କିଣିବା ଓ ଘର କରିବାର ସ୍ୱପ୍ନ ସାକାର ହୋଇପାରେ । ଗବେଷଣା ଭିତରେ ଆମେରିକା ପ୍ରତିରକ୍ଷା ଗବେଷଣା ସଂସ୍ଥା ନାସା ଆଉ ପାଦେ ଆଗେଇଛି । ଚନ୍ଦ୍ରପୃଷ୍ଠରେ ଜଳର ସନ୍ଧାନ ଖୋଜି ପାଇଛି ନାସା । ପ୍ରଥମ ଥର ଜଳ ଆବିଷ୍କାର କରିଥିବା ନେଇ ନାସା ଦାବି କରିଛି । ଗୁରୁତ୍ୱପୂର୍ଣ୍ଣ କଥା ହେଉଛି ଚନ୍ଦ୍ର ପୃଷ୍ଠରେ ସୂର୍ଯ୍ୟ କିରଣ ପଡୁଥିବା ଅଞ୍ଚଳରେ ଜଳର ସନ୍ଧାନ ମିଳିଛି ।
ନାସା ଷ୍ଟ୍ରାଟୋସାଇଫର୍ ଅବଜରଭେଟୋରୀ ଫର ଇନଫ୍ରାଡ୍ ଆଷ୍ଟ୍ରୋନୋମୀ (ସୋଫିଆ) ଟେଲିସ୍କୋପ ଜରିଆରେ ଚନ୍ଦ୍ରରେ ଜଳ ଖୋଜି ପାଇଛି । ଯାହାର ଉପଯୋଗ ପିଇବା ଓ ରକେଟ୍ ଇନ୍ଧନ ଉତ୍ପାଦନ ପାଇଁ ବ୍ୟବହାର କରାଯାଇପାରିବ ବୋଲି ନାସା ଦାବି କରିଛି ।
? ICYMI… using our @SOFIATelescope, we found water on the Moon’s sunlit surface for the first time. Scientists think the water could be stored inside glass beadlike structures within the soil that can be smaller than the tip of a pencil. A recap: https://t.co/lCDDp7pbcl pic.twitter.com/d3CRe96LDm
— NASA (@NASA) October 26, 2020
ସୋଫିଆ ଚନ୍ଦ୍ରର ଦକ୍ଷିଣ ମେରୁରେ ବୃହତ୍ତମ ଗର୍ତ୍ତ ମଧ୍ୟରୁ ପୃଥିବୀକୁ ଦୃଶ୍ୟମାନ ହେଉଥିବା ‘କ୍ଲାଭିଅସ୍’ରେ ଜଳ ଅଣୁ (H2O) ଚିହ୍ନଟ କରିଛି । ଏଯାଏଁ ଗବେଷଣାରୁ ଚନ୍ଦ୍ର ପୃଷ୍ଠରେ ହାଇଡ୍ରୋଜେନର କିଛି ଅଂଶ ଚିହ୍ନଟ ହୋଇ ସାରିଛି । କିନ୍ତୁ ପାଣି ଓ ଏହା ସହ ଜଡ଼ିତ ହାଇଡ୍ରୋକ୍ସିଲ୍ (OH) ନେଇ ତଥ୍ୟ ମିଳି ନଥିଲା । ଏବେ ଜଳ ଅଣୁ ସନ୍ଧାନ ମିଳିଥିବାରୁ ନାସା ବୈଜ୍ଞାନିକମାନେ ଅଧିକ ଗବେଷଣା ଚଳାଇଛନ୍ତି ।