କଟକ: ନୟାଗଡ଼ ନାବାଳିକା ହତ୍ୟାକାଣ୍ଡ ଘଟଣାରେ ଗିରଫ ସରୋଜ ସେଠୀ ମୁଖ୍ୟ ଅଭିଯୁକ୍ତ । ନାବାଳିକାଙ୍କୁ ହତ୍ୟା କରିବା ପରେ ଦୁଷ୍କର୍ମ କରାଯାଇଛି । ପ୍ରେସମିଟରେ ଆଜି ଏହି ସୂଚନା ଦେଇଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ସେ କହିଛନ୍ତି, ଜେରା ବେଳେ ଅଭିଯୁକ୍ତ ହତ୍ୟା ଓ ଦୁଷ୍କର୍ମ ଉଦ୍ୟମ କରିଥିବା ମାନିଛି । ଘଟଣା ଦିନ ଏକା ଜାମୁକୋଳି ଖାଇବାକୁ ସରୋଜ ସେଠୀଙ୍କ ଘରକୁ ଯାଇଥିଲା ପରୀ । କୋଳି ମାଗିବାରୁ ଅଭିଯୁକ୍ତ ଘର ଭିତରକୁ ଡାକିଥିଲା । ସେଦିନ ଘରେ କେହି ନଥିଲେ । ପୋଷାକ ଖୋଲି ଦୁଷ୍କର୍ମ ଉଦ୍ୟମ କରିବାରୁ ଚିତ୍କାର କରିଥିଲା ପରୀ ।
ହତ୍ୟା ପରେ ଦୁଷ୍କର୍ମ
ଚିତ୍କାର କରିବାରୁ ଅଭିଯୁକ୍ତ ପରୀକୁ ତଣ୍ଟି ଚିପି ହତ୍ୟା କରିଥିଲା । ପରେ ଦୁଷ୍କର୍ମ କରିଥିଲା । ମୃତଦେହକୁ ପୋଖରୀ ନିକଟ ବୁଦା ପାଖରେ ଫିଙ୍ଗି ଦେଇଥିଲା । ମୃତଦେହକୁ ନଷ୍ଟ କରିବାରେ କୌଣସି କେମିକାଲ୍ ବ୍ୟବହାର ହୋଇ ନଥିବା କହିଛନ୍ତି ଅରୁଣ ବୋଥ୍ରା । ବର୍ତ୍ତମାନ ସୁଦ୍ଧା ଏହି ଘଟଣାରେ କୌଣସି ପ୍ରତ୍ୟକ୍ଷ ସାକ୍ଷୀ ମିଳିନାହାନ୍ତି । ଅନ୍ୟ କାହାର ସଂପୃକ୍ତି ଅଛି କି ନାହିଁ ତଦନ୍ତ କରାଯାଉଥିବା କହିଛନ୍ତି ଅରୁଣ ବୋଥ୍ରା ।
କେମିତି ସନ୍ଦେହ ଘେରକୁ ଆସିଲା ସରୋଜ ?
ଏସାଇଟି ସରୋଜର ମୋବାଇଲକୁ ଯାଞ୍ଚ କରିଥିଲେ । ସେତେବେଳେ ତାର ମୋବାଇଲରୁ ପପ୍ ଅପ୍ ବାହାରିଥିଲା । ମୋବାଇଲରେ ଜଣେ ତିନି ବର୍ଷ ଝିଅକୁ ଦୁଷ୍କର୍ମ ପରେ କିଭଳ ହତ୍ୟା କରାଯାଏ ସେସମ୍ପର୍କିତ ଖବର ସର୍ଚ୍ଚ କରିଥିଲା । ପଚରାଉଚରା ବେଳେ ବି ପ୍ରତିକ୍ରିୟାଶୀଳ ହୋଇଥିଲା ସରୋଜ । ଏହାପରେ ପଲିଗ୍ରାଫ ଟେଷ୍ଟ ହୋଇଥିଲା ।
SIT ପାଖରେ ସାଇଣ୍ଟିଫିକ୍ ପ୍ରମାଣ
ସରୋଜ ଉପରେ ବଢ଼ିଥିଲା ସନ୍ଦେହ । ତାକୁ ବାରମ୍ବାର ପଚରାଉଚରା କରିଥିଲା ଏସଆଇଟି । ସେହିପରି ପରୀର ପୋଷାକରୁ ସିମେନି ମିଳିଥିଲା । ମୃତଦେହ ଉପରେ ପୋଷାକ ନଥିଲା । ତିନି ତିନିଟି ସାଇଣ୍ଟିଫିକ୍ ପ୍ରମାଣ ମିଳିଛି । ରିପୋର୍ଟ ଆସିବା ପରେ ଦୁଷ୍କର୍ମ ଜନିତ ହତ୍ୟାକାଣ୍ଡ ବୋଲି ସ୍ପଷ୍ଟ କରିଛି ଏସଆଇଟି ।
ଅରୁଣ ବୋଥ୍ରା କହିଛନ୍ତି, ପୂର୍ବରୁ ଜିଲ୍ଲା ପୋଲିସ ବି ସରୋଜଙ୍କୁ ସନ୍ଦେହ ଘେରକୁ ଆଣିଥିଲେ । ଏସଆଇଟି ଆଗରେ ଅଭିଯୁକ୍ତ ସରୋଜର ସ୍ୱୀକାରୋକ୍ତିର ଅଡିଓ ଓ ଭିଡିଓ ବି ରହିଛି । ସରୋଜର ମୋବାଇଲର ଡିଲିଟ ତଥ୍ୟକୁ ରିକଭରି ଉଦ୍ୟମ କରାଯାଉଛି ବୋଲି ଅରୁଣ ବୋଥ୍ରା କହିଛନ୍ତି ।
BREAKING NEWS
- ‘ଇଣ୍ଡି ଦଳ କ୍ଷମତାକୁ ଆସିଲେ ଉଚ୍ଛେଦ ହେବ NRC, CAA ଏବଂ ୟୁନିଫର୍ମ ସିଭିଲ୍ କୋଡ୍’; ମମତା
- ଛତିଶଗଡ ସୁକମାରେ ଏନକାଉଣ୍ଟର, ଜଣେ ମାଓବାଦୀ ନିହତ
- ବିଶାଳ ଦାସଙ୍କ ପିଏଙ୍କ ଘରେ ଆଇଟି ଟିମର ଛାନଭିନ୍
- ଦ୍ବିତୀୟ ପର୍ଯ୍ୟାୟ ଭୋଟିଂରେ ଅସହ୍ୟ ତାତି, ଜାରି ହେଲା ୟେଲୋ ୱାର୍ଣ୍ଣିଂ
- ଗାଈକୁ ଧକ୍କା ଦେଇ ଦୋକାନ ଭିତରେ ପଶିଗଲା ସ୍କର୍ପିଓ, ଅଳ୍ପକେ ବର୍ତ୍ତିଲା ୫ ଜୀବନ
- ନବ ଦାସଙ୍କ ପୁଅଙ୍କୁ ୪ ଘଣ୍ଟା ଜେରା କଲା ଆୟକର ବିଭାଗ
- କାନ୍ସ ଫିଲ୍ମ ଫେଷ୍ଟିଭାଲ: ଦ୍ବିତୀୟ ଦିନରେ ଷ୍ଟାଇଲିସ୍ ଡ୍ରେସ ପିନ୍ଧି ଚର୍ଚ୍ଚାରେ ନୀଳ ନୟନା
- ଫୁଲ ମାଳ ପକାଇବା ନାଁରେ କହ୍ନୈୟା କୁମାରଙ୍କୁ ମାଡ଼, ଭିଡିଓ ଭାଇରାଲ
- ଦ୍ୱିତୀୟ ପର୍ଯ୍ୟାୟ ମତଦାନ: ଆଜି ଶେଷ ହେଉଛି ପ୍ରଚାର
- ଟୁରିଷ୍ଟ ବସ୍ରେ ନିଆଁ ଲାଗି ୮ ମୃତ, ୨୪ ଆହତ