ପାଟନା: ନୀତିଶ କୁମାରଙ୍କ ନେତୃତ୍ୱରେ ବିହାରରେ ଏନଡିଏ ସରକାର ଗଠନ ପାଇଁ ଆରମ୍ଭ ହୋଇଛି ପ୍ରସ୍ତୁତି । ଆଜି ବସୁଛି ଏନଡିଏ ବିଧାୟକ ଦଳ ବୈଠକ । ଏଠାରେ ନୀତିଶ କୁମାରଙ୍କୁ ବିଧାୟକ ଦଳ ନେତା ମନୋନୀତ କରାଯିବ । ବୈଠକରେ ଅଂଶୀଦାର ଦଳ ବିଜେପି, ଜେଡିୟୁ, ହାମ୍ ଓ ଭିଆଇପିର ନବନିର୍ବାଚିତ ବିଧାୟକମାନେ ଉପସ୍ଥିତ ରହିବେ ।
ଏହି ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସାମିଲ ହୋଇପାରନ୍ତି । ତାଙ୍କୁ ବିଜେପି ଦେଇଛି ବିହାରରେ ସରକାର ଗଠନ ଦାୟିତ୍ୱ । ମନ୍ତ୍ରିମଣ୍ଡଳ ରୂପରେଖ ନେଇ ମଧ୍ୟ ଆଜିର ବୈଠକରେ ଆଲୋଚନା ହୋଇପାରେ ।
ନୀତିଶ କୁମାର ମୁଖ୍ୟମନ୍ତ୍ରୀ ହେବା ସ୍ପଷ୍ଟ ହୋଇଥିବା ବେଳେ କିଏ ହେବେ ଉପମୁଖ୍ୟମନ୍ତ୍ରୀ ? ତାକୁ ନେଇ ଏବେ ସସପେନ୍ସ । ସୁଶୀଲ ମୋଦିଙ୍କୁ ଆଉ ଥରେ ଉପମୁଖ୍ୟମନ୍ତ୍ରୀ କରିବାକୁ ବିଜେପି ଚାହୁଁ ନଥିବା ସୂଚନା ମିଳିଛି ।
ସୁଶୀଲ ମୋଦିଙ୍କ ସ୍ଥାନରେ ବିଜେପିର ଦଳିତ ଫେସ୍ କାମେଶ୍ୱର ଚୌପାଲଙ୍କୁ ଉପମୁଖ୍ୟମନ୍ତ୍ରୀ କରିବାକୁ ଯୋଜନା ରହିଛି । ଏଥିରେ ନୀତିଶ ରାଜି ନଥିବା ସୂଚନା ମିଳିଛି । ଆଜିର ବୈଠକରେ ଉପମୁଖ୍ୟମନ୍ତ୍ରୀ କିଏ ହେବେ ସେନେଇ ମଧ୍ୟ ଆଲୋଚନା ହୋଇପାରେ ।
Comments are closed.