ଦୁବାଇ: ଅଧିନାୟକ କେନ ୱିଲିୟମସନଙ୍କ ଚମତ୍କାର ଅର୍ଦ୍ଧଶତକ ସହାୟତାରେ ଏଠାରେ ଅନୁଷ୍ଠିତ ଟି୨୦ ବିଶ୍ୱକପ କ୍ରିକେଟ ଫାଇନାଲରେ ଅଷ୍ଟ୍ରେଲିଆ ସମ୍ମୁଖରେ ନ୍ୟୁଜିଲାଣ୍ଡ ୧୭୩ ରନର ବିଜୟ ଲକ୍ଷ୍ୟ ରଖିଛି । ଅଷ୍ଟ୍ରେଲିଆ ଅଧିନାୟକ ଆରୋନ ଫିଂଚ ଟସ ଜିତି ପ୍ରଥମେ ନ୍ୟୁଜିଲାଣ୍ଡକୁ ବ୍ୟାଟିଂ କରିବା ପାଇଁ ଆମନ୍ତ୍ରଣ କରିଥିଲେ । କିୱି ଟିମ୍ ୨୦ ଓଭରରେ ୪ ଉଇକେଟ ହରାଇ ୧୭୨ ରନ କରିଥିଲା । ଦଳ ଆରମ୍ଭରୁ ସତର୍କତାମୂଳକ ବ୍ୟାଟିଂ କରିଥିଲା । ମାର୍ଟିନ ଗୁପଟିଲ (୨୮) ଓ ଡେରେଲ ମିଚେଲ ୧୧ ରନ କରି ଆଉଟ ହେବା ପରେ ଇନିଂସ ସମ୍ଭାଳିଥିଲେ ୱିଲିୟମସନ । ସେ ରନରେଟ ବୃଦ୍ଧି କରିବା ସହ ଦ୍ରୁତ ବେଗରେ ୪୮ ବଲରୁ ୮୫ ରନ ସଂଗ୍ରହ କରିଥିଲେ । ଏଥିରେ ୧୦ ଚୌକା ଓ ୩ଛକା ସାମିଲ ।
ସେ ଆଉଟ ହେବା ପରେ ନ୍ୟୁଜିଲାଣ୍ଡର ୨୦୦ରନ ପାଖାପାଖି ପଂହଚିବା କଷ୍ଟକର ହୋଇ ପଡିଥିଲା । ଜେମ୍ସ ନୀଶମ (୧୩) ଓ ଟିମ ସେଇଫର୍ଟ (୮) ରନ କରି ନଟ ଆଉଟ ରହିଥିଲେ । ଅଷ୍ଟ୍ରେଲିଆ ପକ୍ଷରୁ ଜୋଶ ହାଜେଲଉଡ ୩ଟି ଏବଂ ଆଡାମ ଜାମ୍ପା ଗୋଟିଏ ଉଇକେଟ ଅକ୍ତିଆର କରିଥିଲେ ।
Comments are closed.